МӘСКЕУ. ҚАЗАҚПАРАТ. ҚР Ұлттық Банкінің басшысы атап айтқандай, 2017 жылы Қазақстанның сақтандыру нарығын одан әрі жетілдіру мақсатында Ұлттық Банк, қазіргі уақытта Парламент қарауында табылатын, «Сақтандыру және сақтандыру қызметi туралы Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жобасын әзірледі.
«Заң жобасы Онлайн сақтандыруды енгізу үшін құқықтық базаны қамтамасыз етеді. Бұл шығындарды азайтуға және сақтандыру қызметтерінің географиялық қол жетімділігін кеңейтуге көмектеседі. Онлайн-сақтандырудың басты элементі сақтандыру келісімшарттары бойынша Бірыңғай сақтандыру базасы болып табылады. «Ол бірыңғай есеп ұйымы және сақтандыру келісім-шарттары бойынша «сақтау орны» болады – деді «ҚазАқпарат» ХАА корреспондентіне сұхбатында Д. Акишев.
Сондай-ақ, қаржы реттеуші басшысы, сақтандыру қызметтерін тұтынушылардың құқығын қорғауды күшейту үшін, заң жобасымен сақтандыру нарығының инфрақұрылымын дамыту бойынша іс-шаралар кешені қарастырылған, деп атап өтті.
«Сақтандыру төлемдеріне кепілдік беру жүйесі шеңберінде азаматтарды сақтандырудың әлеуметтік маңызды кластары бойынша қорғау механизмдері қарастырылған. Дауларды алдын-ала реттеу мақсатында сақтандыру омбудсманының қызмет аясы барлық міндетті және ерікті сақтандыру кластары бойынша кеңейтілді. Заң жобасын қабылдау Қазақстанның сақтандыру нарығын сапалы жаңа деңгейге шығаруға мүмкіндік беретінін жобалаймыз», - деп қосты Д. Акишев.
Фото: jur24pro.ru
