Алайда, диетолог Елена Каленнің пікірінше мұндай тәсіл арықтауға ықпал етпейді және сонымен қатар денсаулыққа зиян келтіреді. Оның сөзінше, арықтайтын адамдарға ең алдымен тамақтану рационын қайта қарау қажет.
«40 жасқа таман гормондық фон өзгереді және ағза бұрынғыдай соншалықты күш-қуат талап етпейді. Сол калориялардың көлемін тұтыну арқылы әйелдер салмақ жинайтын тәуекелге барады. Рационға көбірек көкөніс, жеміс-жидек, жарма және басқа күрделі көмірсуларды қосыңыз», - деп жазды Кален өзінің Instagram парақшасында.
Маман сондай-ақ Омега-3 көп қанықпаған май қышқылдарына бай азық-түліктерді көбірек жеуді ұсынады. Майлы балық, брокколи, гүлді қырыққабат, жаңғақ, авокадо метаболизмді тұрақтандырады, асқазан-ішек жолының жұмысын жақсартады және ағзадан жаман холестериннің шығуына әсер етеді.
Бұдан бөлек, тәулігіне кемінде жеті сағаттан ұйықтау, таза ауада серуендеу және қож бен уытты шығаратын жәй суды жеткілікті ішу маңызды. «Аш жүрмеңіз. Әйел адам саналы түрде тамақтанудан бас тартқан кезде, өзінің ағзасын күйзеліске ұшыратады. Ол калориялардан арылудың орнына, оларды жинайды. Қатаң диеталар мен аштықтар кедергілерге және тамақ тәртібінің бұзылуына әкеледі» - деді диетолог.
Дереккөзі: https://rsport.ria.ru/20210221/dieta-1598485568.html
Сурет ашық дереккөздерден
