Жеке зейнетақы шоттарының жалпы санынан міндетті шоттар бойынша 8 730 мың шоттың өзі жұмыс істейтін салымшыларға тиесілі.
Бұл көрсеткіш жұмыспен қамтылған халық санына сәйкес келеді (2019 жылғы 1 қаңтардағы 8 695 мың адам). «Осыдан еліміздің жұмыспен қамтылған халқы жинақтаушы зейнетақы жүйесімен толық қамтылған деген қорытынды жасауға болады. 2019 жылдың 1 қаңтардағы ЖЗШ саны 10,4 млн шотты құрады, оның ішінде 9,8 млн міндетті зейнетақы жарналары бойынша, 479,5 мың міндетті кәсіптік зейнетақы жарналары бойынша және 47 803 ерікті зейнетақы жарналары бойынша», - деп БЖЗҚ релизінде хабарланады.
2018 жылдың қорытындысы бойынша жылына кемінде бір жарнаны жүзеге асыратын белсенді салымшылардың саны 6 407 мыңды құрады. Жыл сайын бұл көрсеткіш артып келеді. Салыстыру үшін, 2017 жылы ол 5 914 мыңды құрады.
«Жылына 12 жарна бойынша 3 млн шотқа, 6-дан 12-ге дейін жарна – 5 млн шотқа түсті. Әр салымшының орташа жарна саны 2018 жылда 9-ға тең. Салымшылардың 50%-дан астамы әлі де 5 жылдан аз уақыт міндетті зейнетақы жарналарын аудару өтілі бар, ал салымшылардың 75%-дан астамы 10 жылдан аз еңбек өтілі бар», – деп атап өтті ұйымның баспасөз қызметі.
ЖЗЖ қызмет етуінің бүкіл кезеңі ішінде тұрақты МЗЖ жүзеге асыратын салымшылардың зейнетақы жинақтарының орташа сома ер адамдарда 5,1 млн теңге және әйел адамдарда – 3,9 млн теңгені құрады.
Фотосурет: https://www.enpf.kz сайтынан алынды.
