bs-preloader__icon
ru kz en

Қазақстандықтар өз өмірін екі есеге жиірек сақтандыра бастады

2019 жылдың басынан бастап өткен жылғы сәйкес кезеңмен салыстырғанда жиналған сақтандыру сыйлықақыларының көлемі өмірді сақтандыру бойынша 103,6 млрд. теңгені құрады, бұл 82,2%-ға артық, деп хабарлайды FinReview.info.
Қазақстандықтар өз өмірін екі есеге жиірек сақтандыра бастады

Қазақстандағы сақтандыру секторы 27 сақтандыру ұйымымен ұсынылған, оның ішінде 20 – жалпы сақтандыру және 7 – өмірді сақтандыру. 2019 жылдың тоғыз айының қорытындысы бойынша олардың жиынтық активтері 1,15 трлн теңгені немесе ЖІӨ-нің 1,86% құрады. Бұл ретте 2018 жылдың ұқсас кезеңімен салыстырғанда ЖІӨ үлесі бұрынғы деңгейде сақталды. 

Нақты төлем қабілеттілігі маржасы, яғни активтердің сақтандыру компанияларының міндеттемелеріне қатынасы 9,7%-ға 350,6 млрд теңгеден 384,5 млрд теңгеге дейін өсті.

Ағымдағы жылы Қазақстанның сақтандыру нарығы соңғы бес жылда тек 2016 жылы байқалған тұрақты өсімді көрсетті. 2019 жылдың тоғыз айында сақтандыру сыйлықақыларының көлемі 32,1%-ға өсіп, 379 млрд теңгені құрады. Бұл динамика аннуитеттік сақтандыру көлемінің 2,3 есеге, жүктерді сақтандырудың 2,2 есеге, жазатайым оқиғалардан ерікті сақтандырудың 61%-ға және өмірді сақтандырудың 50,6%-ға ұлғаюына байланысты. Дегенмен, көрсетілген сақтандыру түрлерінің қарқынды өсу қарқыны азаматтық-құқықтық жауапкершілікті сақтандыру көлемінің 3 есеге, қызметкерлерді жазатайым оқиғалардан міндетті сақтандырудың 17%-ға және өзге де қаржы шығындарынан сақтандырудың 10%-ға төмендеуінен баяулайды.

Ағымдағы жылы сақтандыру түрлері бойынша сыйақыларды жинау құрылымы өткен жылға ұқсас қалды – ақша қаражатының негізгі көлемі мүлікті сақтандырудан (18,8%), көлік құралдары иелерінің азаматтық-құқықтық жауапкершілігін міндетті сақтандырудан (15%), өмірді сақтандырудан (14%) түсті. Сонымен қатар, соңғы бес жылда құрылым тіпті өзгермеген.

Сақтандыру компанияларының жиынтық табысы 62,4 млрд теңгені құрады, бұл ретте 15,7 млрд теңге өмірді сақтандыру компанияларына сәйкес келді. Тартылған пайда көлемі бойынша 25,5 млрд теңге тапқан «Еуразия» СК» АҚ көш бастап тұр. Сонымен қатар, ТОП-3 компанияға 5,8 млрд теңге және 4,4 млрд теңге сәйкесінше табыс тапқан «Nomad Life» және «Халық-Life» өмірді сақтандыру компаниялары кіреді. Яғни статистика көрсеткендей, сақтандырудың жаңа деңгейіне көтеріп, сақтандыру компанияларының ресурстары салалық нарықтағы динамиканы жақсартуға мүмкіндік береді. Әрине, бұл жаңа жұмыс орындарын құрудан бастап ЖІӨ-нің өсуін ынталандыруға дейін ел экономикасына оң әсер етеді.

Дереккөзі: http://finreview.info/ru/research/kazahstancy-stali-prakticheski-v-2-raza-chashhe-strahovat-svoju-zhizn/
Фотосурет ашық дереккөздерінен алынды 

Бөлісу
Сондай-ақ, қараңыз

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру