Ұлттық банктің деректері бойынша 2020 жылдың 1 желтоқсанындағы жағдай бойынша салымдарда 21,9 трлн теңге (бейрезиденттердің шоттарын есепке алмағанда) сақталды. Ал 2019 жылдың осы кезеңінде – 18,3 трлн теңге болды. Осылайша, бір жыл ішінде сома 19,6%-ға немесе 3,6 трлн теңгеге өсті. Осы кезеңде ұлттық валютадағы депозиттер 27,8%-ға, 13,3 трлн теңгеге дейін, шетелдік валютада – 8,8%-ға, 8,6 трлн теңгеге дейін өсті.
Бұл ретте жеке тұлғалардың салымдарында осы жылдың желтоқсан айының басында 10,4 трлн теңге, заңды тұлғалардың салымдарында – 11,5 трлн теңге сақталды.
Сонымен бірге жеке тұлғалардың депозиттерінің көлемі (бейрезиденттердің шоттарын есепке алмағанда) 10,3 трлн теңгені құрады. Өңірлер бөлігінде қаражаттың барлығынан ең көбі Алматыдағы салымдарда – 4,8 трлн теңге және Нұр-Сұлтанда 1,2 трлн теңге сақталды. Барлығынан ең аз Қызылорда облысында – 132 млрд теңгеге жуық және Түркістан облысында – 59,7 млрд теңге.
Дереккөзі: https://lsm.kz/depozit-za-god
Сурет ашық дереккөздерден
