Алайда, оның әлемдік таралуымен байланысты жалпы тәуекелдер өте жоғары ретінде бағалануда. ДДСҰ-ның баяндамасында осы штамның сипаттамаларына байланысты қауіпті салдарлар туындауы мүмкін екені айтылады.
««Омикрон» инфекциясы «дельтаны» қосқанда басқа түрлерімен салыстырғанда анағұрлым ауыр ауруды туындата ма әзірге түсініксіз», – делінген ДДСҰ сайтында. Ғалымдардың пікірі бойынша Оңтүстік Африкада ауруханаға жатқызу санының өсімі аурудың ауырлығының ұлғаюымен емес, жұқтырғандардың жалпы санының көбеюімен байланысты болуы мүмкін. Сонымен қатар жаңа штамнан бірде бір қайтыс болу жағдайы тіркелмеген.
«Омикрон» атауын алған SARS-CoV-2 жаңа нұсқасы ОАР-да коронавирусты жұқтырудың кезекті толқынын тудырғаны рас. Мамандардың сөзінше, штам әдеттен тыс мутацияның үлкен көлеміне ие.
Алғаш рет «омикрон» 23 қарашада анықталды. Австрияда, Чехияда, Нидерландыда және басқа елдердің бірқатарында ауырғандар анықталды.
Сурет ашық дереккөздерден
