Егер сіз өмірді сақтандыру полисін сатып алуды шешсеңіз, сізге қолдану нұсқаулығын ұсынамыз:
1. Сізге өмірді сақтандыру қажет пе
Алдымен Сізге қандай өмірді сақтандыру керек екенін шешіңіз. Адамдар полистерді сатып алатын негізгі себеп – ол өмірден өткеннен кейін отбасын қолдау. Егер сіз жесір болсаңыз, тұрмысқа шықпаған болсаңыз немесе балаларыңыз болмаса, Сізге зейнетақы аннуитеті қажет деген үлкен ықтималдық бар. Алайда, егер сізде қарыздар немесе ипотека болса, онда аннуитеттен басқа мерзімді сақтандыру полисін сатып алу қажет.
2. Өмірді сақтандыру полисінің түрін таңдаңыз
Өмірді сақтандырудың бірнеше түрі бар: жазатайым оқиғалар мен аурулардан; жинақтаушы немесе инвестициялық сақтандыру және балалардың өмірін сақтандыру.
Жоғарыда аталған сақтандыру өнімдеріне тарифтік мөлшерлемелер тіркелген (мысалы, балаларды сақтандыру кезінде), сондай-ақ құбылмалы (мысалы, жинақтаушы сақтандыру кезінде) болуы мүмкін. Осы топтың көптеген сақтандыру өнімдері бес жылдан астам мерзімге ұзақ мерзімді шарт жасауды білдіреді.
3. Компанияны таңдау
Өмірді сақтандыру полисін сатып алмас бұрын компанияны таңдау керек. Бұл ретте, компаниялардың рейтингтерін тексеру, клиенттердің пікірлерін оқу қажет.
4. Ұсыныстарды салыстыру
Сіз өмірді сақтандыру бойынша бірнеше компанияны таңдағаннан кейін, әрбір ұсынысты зерттегеніңіз жөн. Көптеген ӨСК өз сайттарында сыйлықақыларды көрсетеді.
Кейбір компаниялар әлеуетті клиенттерге онлайн тесттен өтуді ұсынады, олардың негізінде ұйымдар Сіздің мөлшерлемелеріңізді есептейді.
5. Өтінімді толтырыңыз
Ең жақсы өтемақысы бар едәуір қолжетімді өнімді таңдағаннан кейін, өтінімді толтырыңыз. Онда сіз жеке ақпаратты көрсетіңіз: жасы, жынысы, мекен-жайы, әлеуметтік мәртебесі, материалдық жағдайы, қарыздардың саны. Бұдан басқа, құжатқа медициналық карточканы қоса тіркеу керек.
6. Телефон арқылы әңгімелесуге дайындалыңыз
Өтініш бергеннен кейін сізге агент қайта қоңырау соғады. Сұхбат сіз өтінімде ұсынған ақпаратты растайды. Алайда, сақтандыру компаниясының қызметкері қосымша сұрақтар қоя алады. Мысалы, интервьюер Сіздің өмір салты мен хоббиіңіз, қаржылық жағдайыңыз туралы көбірек білгісі келеді.
7. Медициналық қарау
Өмірді сақтандыру бойынша компаниялардың көпшілігі шарт жасау алдында медициналық тексеруді талап етеді. Өмірді сақтандыру бойынша медициналық тексеру әдеттегі медициналық тексеруден айырмашылығы жоқ және 30 минуттан аспайды.
8. Мақұлдауды күтіңіз
Өмірді сақтандыру полисін мақұлдау процесі бірнеше апта алуы мүмкін.
Егер Сізді сақтандырушының шарттары қанағаттандырса, онда шартқа қол қоюға болады. бұл құжаттың екінші нұсқасын сақтап қоюды ұмытпаңыз.
Дереккөзі: https://www.bankrate.com/insurance/life-insurance/how-to-buy-life-insurance/
Фотосурет ашық дереккөздерінен алынды
