Барлық жүргізілген төлемдерді есепке алғаннан кейін қазақстандықтардың зейнетақы жинақтарының жалпы көлеміндегі инвестициялық кірістің үлесі 41,5%-ға жетті. Бұл көрсеткіш инвестициялық кірістің азаматтардың болашақ зейнетақысын өсірудегі негізгі көздердің бірі екенін, тек міндетті жарналармен ғана шектелмейтінін айқын көрсетеді.
БЖЗҚ зейнетақы жинақтары стратегиялық құрал екенін атап өтеді, сондықтан оның тиімділігін ұзақ мерзімді перспективада бағалау қажет.
2024 жылғы желтоқсаннан 2025 жылғы қарашаға дейінгі 12 айда салымшылардың шоттарына бөлінген зейнетақы активтерінің кірістілігі 9,69% болды. Осы кезеңдегі кіріс көлемі шамамен 2,23 трлн теңгеге жетті.
Сонымен қатар, жұмыс берушінің міндетті жарналары есебінен қалыптасқан активтердің кірістілігі 8,07% болды.
Ұзақ мерзімді кезеңде жүйе тұрақты оң динамиканы көрсетіп отыр: 1998 жылдан бері жинақталған инвестициялық кірістілік 1054,45%-ды құрап, осы уақыттағы инфляция деңгейінен (933,55%) асып түсті.
Фото ашық дереккөздерден
