Осындай жалған беттерді жасай отырып, алаяқтар фишингтік хаттарды жіберуден бастап жеке деректерді немесе азаматтардың ақшасын ұрлауға дейін әртүрлі мақсаттарды көздейді. Ұлттық банкпен ұқсас және үйлесімді домендік атауларды қолдана отырып, шабуылдаушылар фишингтік хаттарды жіберу үшін реттеушінің жалған пошта мекенжайларын жасайды. Мұндай хаттарда, әдетте, жалған сайтқа сілтемелер немесе шұғыл құжаттармен және төлем өкімдерімен танысу туралы өтініштер бар. Сонымен қатар, сілтеме бойынша ауысқан жағдайда, пайдаланушының мобильді құрылғысы зиянды бағдарламалық жасақтаманы байқамай жұқтырады, ол кейіннен құрылғыны қашықтан басқару үшін қолданылады.
"Үшінші тұлғалардың алаяқтық әрекеттерін болдырмау үшін Ұлттық банк күдікті сілтемелер бойынша өтпеуге кеңес береді. Естеріңізге сала кетейік, Ұлттық банк жеке тұлғалардың шоттарына қызмет көрсетпейді, ақшалай қаражатты сақтандырумен айналыспайды, сондай-ақ халықпен ақшалай есеп айырысулар жүргізбейді. Егер сіз немесе сіздің таныстарыңыз алаяқтық схемаларға тап болған жағдайда, Қазақстан Республикасының Құқық қорғау органдарына тиісті өтінішпен жүгінуді ұсынамыз", - делінген реттеушінің релизінде.
Ашық дереккөзден алынған сурет
