Алаяқтар жалған лицензиялар мен басқа да құқық белгілейтін құжаттарды, оның ішінде Қазақстан Ұлттық Банкі атынан берілген құжаттарды жариялайды.
"Қаскүнемдер азаматтарды биржалық алым үшін біржолғы төлем жасауға шақырады. Бұл ретте азаматтар инвестициялық табыс алуға қазақстандық криптовалюта биржасы немесе өзге де қаржы институттары кепілдік береді деп сендіреді. Алайда, ақша аударылғаннан кейін алаяқтар байланысқа шығуды тоқтатады", - делінген Ұлттық банктің хабарламасында.
Жадынама
ҰБ жеке тұлғалардың шоттарына қызмет көрсетпейді, ақшалай есеп айырысулар мен мәмілелер жүргізбейді.
ҰБ Мемлекеттік қорлардан ақша табу үшін қандай да бір платформаларды әзірлеуге қатыспайды.
Инвестициялық қызметті жүзеге асыруға лицензиясы бар ұйымдардың тізбесі Қазақстан Республикасы Қаржы нарығын реттеу және дамыту агенттігінің ресми сайтында жарияланған.
Ашық дереккөздерден алынған сурет
