Міндетті зейнетақы жарналары (МЗЖ) есебінен жинақтар 22,85 трлн теңгені құрап, соңғы 12 айда 18,7%-ға артты. Міндетті кәсіптік зейнетақы жарналары (МКЗЖ) есебінен жинақтар 683,10 млрд теңгеге жетіп, бір жыл ішінде 10,2%-ға өсті. Ең жоғары жылдық өсім ерікті зейнетақы жарналары (ЕЗЖ) бойынша тіркеліп, 12 айда 35%-ға артып, 8,73 млрд теңгені құрады.
1 шілдедегі жағдай бойынша жұмыс берушілердің міндетті зейнетақы жарналары (ЖБМЗЖ) есебінен жинақтар, яғни 1 қаңтардан бастап салымшылардың (алушылардың) зейнетақы шоттарына түсетін жарналар көлемі 463,98 млрд теңгені құрады.
Жинақтардың өсуі зейнетақы жарналарының түсімі мен инвестициялық кірістің есебінен қамтамасыз етіледі. Жыл басынан бері салымшылардың жеке және шартты зейнетақы шоттарына 1 575,45 млрд теңге көлемінде жарна түсті. Бұл өткен жылдың сәйкес кезеңімен салыстырғанда 260,05 млрд теңгеге немесе 19,8%-ға көп.
Сурет ашық дереккөздерден алынған.
