Биылғы жылдың бірінші жартыжылдығында нарық активтерінің өсуіне тең жалпы сақтандыру компаниялары (+13,4%) және өмірді сақтандырумен айналысатын компаниялар (+11,4%) теңдей үлес қосты. 2021 жылы бүкіл сектор активтерінің 40%-ы ӨСК-ң үлесінде. Алты ірі компания нарық активтерінің өсімінің 70%-ын иеленіп отыр - Еуразия СК (22%), Халық СК (18%), FFLife (9%), Nomad Life, Халык-Life және Еуразия ӨСК сәйкесінше 7%-дан.
Сақтандыру сыйлықақыларының көлемі ӨСК (өмірді сақтандыру және аннуитеттік сақтандыру) өнімдеріне сұраныс жоғарылаған соң 53%-ға 428,6 млрд теңгеге дейін (2020 жыл көлемінің 75%-ы), «жеке сақтандыру» сегменті 100 млрд теңгеден 195 млрд теңгеге дейін (+94%) өсті. Сақтандыру сыйлықақылары көлемінің ұлғаюы сектордың сақтандыру қызметінен түскен кірістерінің 48,5%-ға, 381 млрд теңгеге дейін өсуіне алып келді. Бұл ретте сақтандыру сегменттері бойынша кірістер құрылымында шамамен 56%-ын (212,3 млрд теңгені) ӨСК-нан шығады.
2021 жылдың бірінші жартыжылдығында нарық бойынша төлемдердің сыйлықақыларға қатынасы 14%-ды, ӨСК-ғы сегменттер бойынша – 8,3%, міндетті сақтандыру бойынша – 18% құрайды. Ірі ойыншы тарапынан бір реттік өтемақыны ескерсек (47 млрд теңге), ағымдағы жылы төлемдер азайды. Көрсетілген сақтандыру жағдайын ескермегенде сыйлықақылардың былтырғы жыл төлемдеріне қатынасы - 15,8%, салыстырмалы деңгейде болар еді. Сектордың сыйлықақылары мен төлемдерінің шамамен 60% Еуразия, Халық, Nomad Life, Халык-Life және Қазақмыс СК-ң үлесінде.
Сақтандыру қызметінен түскен кірістердің өсімі 56%-ды, инвестициялық қызметтен — 20%-ды құрады. Сектордың сақтандыру төлемдері бойынша резервтерге шығыстары 27,5%-ды, операциялық қызметке — 2020 жылдың бірінші жартыжылдығына қарағанда 63% -ды құрады. Сақтандыру секторының таза пайдасы 70,4 млрд теңгені құрады, бұл 2020 жылдың бірінші жартыжылдығына қарағанда 6,6% артық.
Сектор активтерінің орташа салмақталған рентабельділік көрсеткіші (RoAA) былтырғы жылдың бірінші жартыжылдығындағы 5,2%-дан биылғы жылдың 4,5% дейін, ал капиталдың рентабельділігі (RoAE) — 11,5%-дан 10,3% дейін төмендеді.
ҚҚҚ есебінде: «Сала рентабельділігінің жалпы төмендеуіне қарамастан, нарықта капитал рентабельділігі нарықтан айтарлықтау жоғары ойыншылар бар. Нарықтың әрі қарай өсуіне ӨСК өнімдеріне сұраныстың жоғарылауы, сондай-ақ жалпы сақтандыру өнімдеріне қажеттіліктің артуы себепші болады», - деп көрсетілген.
Фотосурет ашық дереккөздерден алынған
