Аударылған капиталдың мөлшері отбасының әлеуметтік мәртебесіне қарай 235 920 теңгеден 471 840 теңгеге дейінгі аралықта белгіленген. Маңыздысы – бұл капитал полис әрекет ету мерзімі ішінде бір реттік төлем ретінде аударылады. Бұл сома клиенттің негізгі жинағына қосылып, кейіннен оған мемлекеттік сыйақы есептелетін жалпы инвестициялық пулды қалыптастырады.
«Еуразия Keleshek» бағдарламасы бойынша жинақталған қаражат бастапқы капиталмен және мемлекеттік сыйақымен бірге мақсатты түрде пайдаланылады — олар болашақта баланың жоғары білім алуына ғана жұмсалады.
Естеріңізге сала кетейік, «Еуразия» ӨСК 2023 жылы Мемлекеттік білім беру жинақтау жүйесінің қатысушылары қатарына кіріп, қазақстандық отбасыларға өмірді сақтандыру мен ұзақ мерзімді қаржылық жинақтаудың артықшылықтарын үйлестіретін «Keleshek» өнімін ұсыну құқығына ие болды.
Фото: «Еуразия» ӨСК
