Шілде айындағы деректерге сәйкес, банктердегі депозит көлемі 1,1 трлн юаньға (шамамен 151 млрд АҚШ доллары) қысқарса, сақтандыру және инвестициялық ұйымдардағы жинақтар 2,1 трлн юаньға (шамамен 288 млрд АҚШ доллары) өскен. Бұл динамика халықтың табысты әрі ұзақ мерзімді құралдарға бет бұрып жатқанын көрсетеді.
Экономикаға инвестицияны ынталандыру мақсатында Қытай үкіметі сақтандырушылар үшін инвестициялау ережелерін жұмсартты. Бұл сақтандыру компанияларына қор нарығына белсенді қатысуға мүмкіндік беріп, ұзақ мерзімді инвестициялар мен капиталды әртараптандыруға жағдай жасайды.
Өсу бағытының бөлек бір саласы – қарт клиенттерге арналған сақтандыру өнімдері. Болжам бойынша, 2035 жылға қарай Қытайдағы қарттар саны 400 млн адамға жетеді. Бұл сақтандыру компанияларына зейнеткерлер мен егде жастағы адамдарға арналған арнайы шешімдер әзірлеуге жаңа мүмкіндіктер ашады.
Осылайша, депозиттен сақтандыру құралдарына бетбұрыс – төмен мөлшерлемелер жағдайындағы экономикалық шындықты да, мемлекеттің қаржы нарығын нығайтуға бағытталған стратегиялық саясатын да айқын көрсетіп отыр.
Фото ашық дереккөздерден
