bs-preloader__icon
ru kz en

«Ұмытылған» депозиттерден ақшалар БЖЗҚ-ға жіберіледі

Осы жылдың 1 мамырынан бастап Қазақстанның депозиттерге кепілдік беру қорының (ҚДКБҚ) жыл бойына талап етілмеген кепілді өтем сомаларын жеке зейнетақы шоттарына есепке алу үшін БЖЗҚ-ға аудару тәртібін белгілейтін ҚР Заңының нормалары қолданысқа енгізіледі.
«Ұмытылған» депозиттерден ақшалар БЖЗҚ-ға жіберіледі

«Бұл дегеніміз, егер депозиттерге міндетті кепілдік беру жүйесінің қатысушысы болған және барлық банк операцияларын жүргізуге арналған лицензиядан айырылған депозит салымшысы кепілдік берілген өтемді төлеу басталған күннен бастап бір жыл ішінде ҚДКБҚ-ға жүгінбесе, онда ҚДКБҚ кепілді өтемнің талап етілмеген сомасын ЕЗЖ есепке алынатын ЖЗШ-ға есепке жатқызу үшін БЖЗҚ-ға аударады», - деп түсіндіреді қордың баспасөз қызметі.

Бұдан басқа, ағымдағы жылдың 1 мамырынан бастап зейнетақы шотын автоматты түрде (өтініш бермей) ашу үшін бастапқы жарна негіз болып табылады. Бұл ретте пайдасына төлемдер жүргізілетін жеке тұлғаны сәйкестендіру төлем тапсырысының электрондық форматында көрсетілген дербес деректер (ТАӘ, ЖСН, туған күні) бойынша жүзеге асырылатын болады, ал барлық қажетті мәліметтер: жеке тұлғаның жеке басын куәландыратын қолданыстағы құжаттың деректемелері туралы, тұрақты тұратын жері туралы, өзге де мәліметтерді БЖЗҚ мемлекеттік органдардың тиісті ақпараттық жүйелерінен алатын болады.

«БЖЗҚ-да ЕЗЖ есебінен зейнетақы жинақтары бар адамдар оларды 50 жасқа толған кезде, мүгедектік туындаған кезде, Қазақстан Республикасының шегінен тыс жерлерге Қазақстан Республикасының заңнамасында айқындалған, кету ниетін немесе дерегін растайтын құжаттарды ұсынған шетелдіктер және азаматтығы жоқ адамдар ретінде тұрақты тұруға кеткен кезде алуға құқылы», - қорытындалады БЖЗҚ-ның баспасөз қызметі.

Дереккөзі: https://www.enpf.kz/ru/about/press-center/news/index.php?ELEMENT_ID=11735

Сурет ашық дереккөздерден

Бөлісу
Сондай-ақ, қараңыз
Егде жастағы адамдардың өмірін жедел сақтандыру
Егде жастағы адамдардың өмірін жедел сақтандыру

Жинақтаушы сақтандырудан ерекшелігі, өмірді т...

Nomad Life клиенті автомобильді ұтып алды
Nomad Life клиенті автомобильді ұтып алды

Nomad Life Өмірді сақтандыру компаниясы ZOLOTO NOMADOV по...

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру