«Жарналар жұмыс берушінің қаражатынан төленеді, бірақ олардың мөлшері қызметкердің табысынан есептеледі. 2024 жылы бұл 1,5 пайызды құрайды», - деп хабарлады БЖЗҚ.
2028 жылға дейін жыл сайын жарна мөлшері 0,5% - ға ұлғаяды және 2028 жылы 5 % құрайды:
2024 жылдан бастап-1,5 пайыз;
2025 жылдан бастап-2,5 пайыз;
2026 жылдан бастап-3,5 пайыз;
2027 жылдан бастап-4,5 пайыз;
2028 жылдан бастап-5 пайыз.
ЖбМЗЖ тек 1975 жылдың 1 қаңтарынан кейін туылған жұмысшыларға аударылады. Бұл ретте қызметкердің ай сайынғы табысы ең төменгі жалақы мөлшерінен төмен болмауы және ең төменгі жалақының 50 еселенген мөлшерінен аспауы тиіс.
Бірыңғай төлем құрамында ЖбМЗЖ төлеуді таңдаған салық агенттері үшін жалақыдан бірыңғай төлем ставкасындағы ЖбМЗЖ үлесі
2024 жылғы 1 қаңтардан бастап-7,0 пайыз;
2025 жылғы 1 қаңтардан бастап-10,5 пайыз;
2026 жылғы 1 қаңтардан бастап-14,1 пайыз;
2027 жылғы 1 қаңтардан бастап-17,4 пайыз;
2028 жылғы 1 қаңтардан бастап-19,0 пайызды құрайды.
«Әлеуметтік Кодексте жұмыс берушілердің міндетті зейнетақы жарналарын тек өз қаражаты есебінен төлеу міндеті нақты айқындалған. Салымшылар жарналардың осы түрінің түсуін жарналардың барлық түрлері бойынша ақпарат берілген жеке зейнетақы шотынан үзінді көшірмеден көре алады. Жұмыс берушінің міндетті зейнетақы жарналарын уақтылы және толық төлеуін бақылау мемлекеттік кірістер комитетіне жүктелген. Егер жұмыс беруші қызметкерге қатысты қандай да бір бұзушылыққа жол берсе, онда МКК-ға жүгіну қажет», - деп қорытындылады БЖЗҚ.
Ашық дереккөздерден алынған сурет
