Зейнетақы жинақтарының негізгі сомасы міндетті зейнетақы жарналарының (МЗЖ) есебінен қалыптасты және 11,8 трлн теңгені құрады (жыл басынан бері өсім 12% құрады). Міндетті кәсіби зейнетақы жарналары бойынша зейнетақы жинақтарының сомасы (МКЗЖ) 287,8 млрд теңгені құрады (өсім 17% құрады), ерікті зейнетақы жарналары бойынша зейнетақы жинақтарының сомасы (ЕЗЖ) 2,1 млрд теңгеге жетті (өсім 9%).
2020 жылдың 1 тамызындағы жағдай бойынша БЖЗҚ жеке зейнетақы шоттарының саны 2019 жылдың сәйкесінше кезеңімен салыстырғанда 1,2 млн астам бірлікке артты. 01.08.2019 жылғы жағдай бойынша ЖЗШ саны 10,5 млн (10 517 212) бірлікті құрады, ал 01.08.2020 жылға қарай 11,7 млн (11 706 287) асып түсті. Осылайша, бір жыл ішінде өсім 11% құрады.
Ең көп шот міндетті зейнетақы жарналары (МЗЖ) бойынша ашылған - олардың саны 11 млн астам, дәлірек айтсақ 11 132 300 (өсім жыл басынан бері 10%). Келесі міндетті кәсіби зейнетақы жарналары (МКЗЖ) есебінен қалыптасқан шоттар жүреді - 518 294 (2% өсім), ерікті зейнетақы жарналарының саны (ЕЗЖ) біртіндеп өсуде, БЖЗҚ мұндай шоттар саны қазір 55 693 (2% өсім) құрайды.
2020 жылдың басынан бері салымшылардың шоттарына жалпы 604,3 млрд теңге көлеміндегі зейнетақы жарналары түсті, бұл 2019 жылдың алғашқы 7 айындағы көрсеткіштерден 55,1 млрд теңгеге немесе 10% артық. Жарналардың жалпы көлемінің 95,4% МЗЖ бойынша БЖЗҚ түскен түсімдер құрайды - 576 млрд теңге, МКЗЖ бойынша 27,5 млрд теңге түсті, ЕЗЖ бойынша 256 млн теңге аударылды.
Төлемдер 98,2 млрд теңгені құрады, оның көп бөлігі (36%) жас бойынша төлемдерге (34,9 млрд теңге), сақтандыру ұйымдарына аударымдарға (24,3 млрд теңге), ҚР тыс жерлерге тұрақты тұруға шығу бойынша (19, 9 млрд теңге), мұрагерлерге (16,4 млрд теңге), жерлеуге (1,8 млрд теңге), мүгедектік төлемдеріне (0,9 млрд теңге) келді.
2020 жылдың басынан бастап, 1 тамыздағы жағдай бойынша БЖЗҚ салымшыларының шоттарына 752,98 млрд теңгеден астам таза инвестициялық кіріс түсті, бұл өткен 2019 жылдың сәйкесінше кезеңімен салыстырғанда 389,77 млрд теңгеге артық.
Дереккөз: https://kursiv.kz/news/pensionnaya-sistema/2020-08/v-enpf-podschitali-pensionnye-nakopleniya-kazakhstancev
Сурет ашық дереккөздерден алынған
