Finprom.kz хабарламасы бойынша осы жылғы мамыр айының соңына қарай БЖЗҚ-да зейнетақы жинақтары бір жылдың ішінде 19,8%-ға артып, 9,9 трлн теңгеге жетті. Салыстыру үшін: бір жыл бұрын осыған ұқсас кезеңінде жинақтардың сомасы 8,3 трлн тг болса, өсім 18,1% құрады. Соңғы бес жылдың ішінде тиісті кезеңде зейнетақы жинақтары орташа есеппен бір жылда 19,6%-ға ұлғайды.
Оң динамика жинақтардың барлық түрлері бойынша байқалады. Міндетті зейнетақы жарналары бойынша сома бір жылдың ішінде 19,5%-ға ұлғайды, міндетті кәсіптік зейнетақы жарналары бойынша өсім 33,2%-ды құрады, ал ерікті зейнетақы жарналары 6,1%-ға өсті.
Сонымен қатар ағымдағы жылдың қаңтар-мамыр айларында 93,4 млрд тг құрап, зейнетақы төлемдері де ұлғайды, жылдық өсім — 1,7%.
Фотосурет ашық дереккөздерден алынды.
