Өмірді сақтандыру сіздің жақындарыңыз үшін сенімді материалдық базаны құрады және олардың өмірінің амандығының сақталуын қамтамасыз етеді. Тіпті егер сіздің барлық жинақтарыңыз қарыздарды төлеуге кеткен болса, сізде өмірді сақтандыру болған жағдайда, сіздің отбасыңызға сіздің қазаңыздан кейін қаржылық қолдау көрсетілетін болады.
Өмірді сақтандыру ұзақ мерзімді сипатқа ие, себебі шарттар әдетте бірнеше жылға жасалады, бұл бағалы қағаздар нарығының құрылымына айтарлықтай әсер етуге мүмкіндік береді (құбылмалылықты төмендетуге, қарыз құралдарының жеделдігін ұлғайтуға), сондай-ақ өмірді сақтандырушыларды бүткіл әлемде негізгі ұзақ мерзімді инвесторлардың бірі етеді.
Еуропада ЖІӨ-де өмірді сақтандыру бойынша сыйлықақылар үлесінің орташа мағынасы 0,9%-дан бастап (Латвия) 11,4%-ға дейін (Финляндия) ауқымда 7,4%. Еуропада сақтандыру секторы жинақтарының жылдық көлемі 1,2 трлн евро, олардың 60%-дан астамы өмірді сақтандыру сегментіне тиесілі. Өмірді сақтандырушылардың инвестициялық портфельдерінің мөлшері 7 трлн евроға жуықтаған және әлемдік ЖІӨ-нің маңызды бөлігін құрайды. Осылайша, өмірді сақтандырушылар ең ірі институционалдық инвесторлардың бірі болып табылады.
Өмірді сақтандырудың өнімдік желісіне қатысты айтсақ, әлемде халықтың қарапайым тәуекелді өнімдерден көбінесе банк желісінің дистрибуциясы және сатулардың электронды каналдары арқылы сатылатын, күрделі құрылымды инвестициялық сақтандыру өнімдеріне өту үрдісі сақталуда.
Қайтыс болу, жазатайым оқиға немесе аурулар жағдайына сақтандыру қорғауы және клиент таңдаған қорларға қаражаттың салынуын көздейтін инвестициялық құрауышы кіретін, кешенді өнімді білдіретін Unit-Linked секілді өнім кең таралды.
Бұл ретте сақтандырушы өзі басқарушы компанияның рөлін атқара алады немесе бұл рөлді шеттегі басқарушы компанияға бере алады. Unit-Linked ашықтығымен және икемділігімен, инвестициялық ұсыныстардың анағұрлым кең шоғырымен ерекшеленеді. Клиент жинақтарды инвестициялаудың нұсқаларын өзі таңдайды. Инвестициялық тәуекелдің бір бөлігі клиентке жүктелген, ол Unit-Linked-тің неғұрлым жоғары табыстылығына себепші болады.
Сурет ашық дереккөздерден
