Жинақтардың өсімі жарналардың барлық түрлері бойынша байқалады. Мәселен, міндетті зейнетақы жарналары бойынша сома бір жылда 18,4%-ға, міндетті кәсіптік зейнетақы жарналары бойынша –30,5%-ға өсті, ал ерікті зейнетақы жарналары 5%-ға өсті.
«Соңғы 5 жылда БЖЗҚ зейнетақы жинақтарының көлемі екі есеге артты – 4,3 трлн теңгеден 10,2 трлн теңгеге дейін. Активтердің осындай елеулі көлемі тиісті әртараптандыруды жүргізуді талап ететіні анық. Зейнетақы портфелінің ағымдағы құрылымы қаржы құралдарының әртүрлі түрлерін қамтиды. Портфельдің негізгі бөлігін 39,3% үлесімен ҚР Мемлекеттік бағалы қағаздары алады», - деген статистиканы Finprom.kz аналитиктері келтірді.
Бұл ретте ағымдағы жылдың қаңтар-шілде айларында инвестициялық кіріс 396,3 млрд теңгені құрады. Жылдық мәнде табыстылық 9,7%-ға, инфляция кезінде 5,4%-ға жетті. Демек, соңғы 12 айдың ішінде зейнетақы активтерінің нақты оң кірістілігі алынды – 4%-дан астам. Өз кезегінде, ағымдағы жылдың шілде айының соңында жинақталған кірістілік 65,4%, ал сол кезеңде жинақталған инфляция – 53,5% құрады. Осылайша, 2014 жылдың басынан бастап 2019 жылдың шілдесіне дейін нақты жинақталған кірістілік 12%-ға жетті.
«Кірістердегі негізгі бөлігін бағалы қағаздар бойынша, оның ішінде орналастырылған салымдар мен "кері РЕПО" операциялары бойынша сыйақы түріндегі кірістер алады: 385 млрд. теңге (бір жыл бұрын – 312,9 млрд. теңге), жыл ішінде өсім 23% құрады. Қорытынды жасай отырып, ҚР Ұлттық Банкі БЖЗҚ салымшыларының зейнетақы жинақтары бойынша сақталуын ғана емес, нақты табыстылығын қамтамасыз ететін теңдестірілген инвестициялық саясатты жүргізетіні туралы қорытынды жасауға болады», – Finprom.kz сарапшылары қорытынды жасады.
Фотосурет ашық дереккөздерінен алынды.
