Осы функционалды пайдалану үшін пайдаланушы-қызметкер электрондық цифрлық қолтаңбаның (ЭЦҚ) көмегімен верификациялануы тиіс. Жеке кабинетте тексерілгеннен кейін, "Профиль" бөлімінде, "қызметкердің деректері" қойындысында төлемнің алдын-ала мөлшерін есептеуге болады.
2024 жылғы 1 қаңтардан бастап зиянды еңбек жағдайларында жұмыс істейтін адамдарға 55 жасқа толған және олар үшін кемінде 7 жыл міндетті зейнетақы жарналары төленген кезде АӘТ алу мүмкіндігі беріледі.
Арнайы әлеуметтік төлем бірнеше құрамдас бөліктерден тұрады және төрт көзден жүзеге асырылады: республикалық бюджеттен 2 ең төменгі күнкөріс деңгейі (бұдан әрі – ЕТКД) мөлшерінде арнайы кәсіптік жәрдемақы; өмірді сақтандыру жөніндегі компаниялардан 1 ЕТКД мөлшерінде; жұмыс берушілердің қаражаты есебінен 1 ЕТКД мөлшерінде, БЖЗҚ-дан міндетті кәсіптік зейнетақы жарналары есебінен. Бұдан басқа, қызметкерлерге БЖЗҚ-дан қолда бар Зейнетақы жинақтарын ескере отырып, міндетті зейнетақы жарналары есебінен төлемдер алу құқығы беріледі.
АӘТ зейнеткерлік жасқа дейін төленетін болады. Сондай-ақ, оны алу үшін зиянды еңбек жағдайларымен жұмыстан кету керек. Қызметкерлер жеңіл жұмысқа ауыса алады, содан кейін олар жалақы мен төлем алады немесе демалысқа шығып, зейнетақы тағайындалғанға дейін Арнайы төлемдер алады.
Ашық дереккөздерден алынған сурет
