Салыстыру үшін: 2019 жылдың осы кезеңінде орташа айлық жалақы 203,9 мың теңгені құраған.
Өңірлер бөлігінде орташа айлық жалақының ең үлкен мөлшері әдеттегідей Атырау облысына түсіп отыр: 377,4 мың теңге, ел бойынша орташадан 61,9%-ға көбірек. Орташа айлық жалақы мөлшері бойынша өңірлердің ТОП-үштігіне сондай-ақ елорда (349,6 мың теңге) мен Маңғыстау облысы (337,7 мың теңге) кірді.
Орташа айлық жалақының ең төмен мөлшері – Түркістан (166,7 мың теңге), Жамбыл (168,8 мың теңге) және Солтүстік Қазақстан (168,9 мың теңге) облысы тұрғындарында.
Қызметтің әр түрлі салаларында жұмыс істейтін қызметкерлер арасында да еңбекке ақы төлеу айырмашылықтары байқалады. Мысалға, орташа айлық жалақының максималды деңгейі тау-кен қазу өнеркәсібінде (472,3 мың теңге), сондай-ақ қаржы саласында және сақтандыру қызметінде (422,6 мың теңге) көрсетілген. Ал осы ретте, орташа айлық жалақының ең төмен деңгейі сумен қамтамасыз ету саласында (145,7 мың теңге) және ауыл шаруашылығында (147,7 мың теңге) тіркелген.
Өз кезегінде білім беру саласында орташа айлық жалақы 176,5 мың теңгені (ел бойынша орташадан 24,3%-ға төмен), денсаулық сақтауда – 197,4 мың теңгені (ел бойынша орташадан 15,3%-ға төмен) құрады. Бұл салаларда орташа айлық жалақы сондай-ақ ел бойынша ең аздардың қатарында.
Дереккөзі: http://finprom.kz/ru/article/uchitelya-vrachi-agrarii-kommunalshiki-komu-v-kazahstane-zhit-nehorosho-minimalnye-zarplaty-poluchayut-rabotniki-naibolee-socialno-znachimyh-sfer
Сурет ашық дереккөздерден
