bs-preloader__icon
ru kz en

Өмірді сақтандыру индустриясы үшін негізгі өсу драйверлері барлық елдерде және өңірлерде бірдей

«Бұл ЖІӨ-нің өсуі, халықтың жеке ауқаттылығының деңгейі, сонымен қатар елде қолданылатын және кеңесшілер санының өсуіне, олардың кәсібилілігіне және халықты әлеуметтік қамтамасыз ету мәселесімен таныстыруға бағытталған сатудың сапалы арналары», – деп Польшада MetLife компаниясының бас менеджері, бұрын Украинада MetLife сақтандыру компаниясының Басқарма Төрағасы қызметін атқарған Мирослав Кисык есептейді.
Өмірді сақтандыру индустриясы үшін негізгі өсу драйверлері барлық елдерде және өңірлерде бірдей

Сонымен қатар forinsurer.com  сайтына берген сұхбатында сарапшы Украинадағы лайфтық сақтандырудың дамуы байланысты болатын едәуір маңызды факторларды атады. Оның пікірінше, адамдардың тамағы мен емделуіне негізгі қажеттіліктерін қанағаттандыруға жағдайы келмей жатқанда, олар ұзақ мерзімді жинақталған қор туралы ойланбайтын да шығар. Оның бағалауынша, Украинада үй шаруашылығының бұл қабаты шамамен 28-45% пайызды құрайды.

"Алайда кем дегенде халықтың 55% пайызы бар, және «сақтандыру кедейлік» шегінен жоғары тұрған адамдар арасында өмірді сақтандыру идеясын алға тарту үшін негізгі факторы нарықтың барлық қатысушыларының ақпараттық белсенділігі болып табылады, - дейді Мирослав Кисык. – Бұл, әсіресе, мемлекет өзінің әлеуметтік міндеттемелерін – айқын емес әдістермен болса да – қайта қарастыруға және қысқартуға мәжбүр болған жағдайда өзекті болады. Біз әлеуетті тұтынушыларға: егер Сіз өз болашағыңыздың қамын өзіңіз ойламасаңыз – оны Сіз үшін ешкім де ойламайды, деп ашық айта аламыз. Сақтандыру – қолайлы құрал, ол Сізге нені бере алатынды қараңыз. Сақтандыру компаниялары да, делдалдар да, мемлекет те украиндарға өмірді сақтандыру қалай жұмыс жасайтындығын және бұл құрал қандай нақты артықшылықтарды беретіндігін көрсету қажет. Бұл ретте біз бұл үрдіс бірнеше жылға емес, бірнеше онжылдыққа созылатындығын түсінуіміз керек».

Сақтандыру компаниясының клиенті барлық жерде біреу ғана – бұл өзінің қаржылық жағдайына және өз жақындарының болашағына жауапкершілікті сезінген адамдар, деп есептейді Кисык мырза. Көбіне бұл өз отбасы мен балалары бар 30 жастағы және одан үлкендеу адамдар, олар жас ұрпаққа – өсіп келе жатқан балалары және қартайып жатқан ата-аналарына қамқор болуы тиіс. Бұл адамдарға отбасындағы ең үлкен қаржылық жауапкершілік жүктелген.

Компания кірісі мол компания болып қалудың себебі неде деген сұраққа Мирослав Кисык, біріншіден портфель үлкен болған сайын, пайдасы да көп болады деп жауап берді. Екіншіден, өз қызметін сапалы түрде жоспарлау, оларда бұны «іске асырудың тәртібі» деп атайды. «Біз тек қана мақсатты жобаларға инвестиция құямыз, оларды ендірудің тиімділігін қадағалаймыз, сондай-ақ өнімсіз шығындарды қысқартуға тырысамыз. Біз ақшаны басқара аламыз - life-сақтандырудың саласының өзі соған міндеттейді», - деді ол.

Клиенттер мен серіктестер үшін жаңа қызметтерге қатысты Мирослав Кисык олардың көптеген түрлерінің ендіруін атап өтті. Оның ішінде тәуелсіз кеңесшілер үшін де. Сонымен қатар серіктестермен бірлескен сервистік жұмысты дамыту үшін көптеген белсендіктер де әзірленген. Сақтандыру бизнесін диджитализацияға және life секторында электрондық полиске қатысты сарапшы бұл туралы Украина үшін айтуға ерте деп есептейді.

«Қоғамда қызметті тұтыну тәжірибесі әлі де қалптаспаған, пайдаланудың тәжірибесі жоқ, 99% пайыз жағдайларда клиентке компания өкілдерімен бетпе-бет жүздесу қажет, және де бір емес, бірнеше рет кездесу, - деп түсіндіреді ол. – Алайда біз диджитал шешімдерді нақты пайданы әкеліп отырған жерлерде сәтті енгізіп отырмыз. Мысалы, серіктестер мен агенттердің электрондық өтініштермен жұмыс жүйесі. Біз бұл тәжірибені МегаЛайф компаниясы құрамына кіретін басқа компаниялардан үйреніп алдық және оны іс жүзінде табысты қолданамыз. Ол бәріне де көмектеседі, өйткені клиенттің полисін шығару үрдісін жеделдетеді, кеңесшінің жұмысын жеңілдетеді, сақтандырушының шығындарын үнемдейді. Бұл барлығына арналған «win-win decision» және біз сатушыларды сандық құжатайналымының жаңа үдерістерін қолдануға ынталандыра отырып, осындай шарттардың айналымын ұлғайтамыз».

Мирослав Кисык Украинаның өмірді сақтандыру нарығында алдағы 5 жылда өсуін күтуде, бұл өсім, ең алдымен, елдің экономикасында бірте-бірте қалыптасып келетін оң үдерістермен байланысты болады. Бұл еңбек ақысының өсуі, украиндық бизнестің жаңа тауашаларының және индустрияларының дамуы, климаттың ақырындап жақсаруы және қаржылық оның ішінде банктік сектордың тазаруы. «БӘЖ төлеу бөлігінде заңдар өзгеруі мүмкін – бұл үлкен плюс және өмірді корпоративтік сақтандыру үшін өсуінің шыққан жері, - деді ол. – Біздің жеке сақтандырудың серіктестерімен халықтың қаржылық сауатсыздығынан арылу бойынша жасалған бірлескен жұмысы – құнсыз еңбек, ол да бірте-бірте өз нәтижелерін беруде».

Дереккөзі: https://forinsurer.com/public/18/04/24/4811

Бөлісу
Сондай-ақ, қараңыз

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру