Сектордың қаржылық нәтижелері де оң динамикада. Жалпы табыс 6,54 млрд АҚШ долларын құрап, өткен жылмен салыстырғанда 3,6%-ға өсті. Сақтандыру компанияларының активтері 37,83 млрд долларға дейін ұлғайды, ал инвестициялық табыс күрт өсіп, өткен жылғы 720 млн доллардың орнына 1 млрд долларға жетті.
Дегенмен, сақтандыру жарналары бойынша жағдай біркелкі емес. Бір жағынан, дәстүрлі полистердің танымалдығы артып, олардың жарналары 6,5%-ға көбейді. Екінші жағынан, инвестициялық элементі бар өнімдер (unit-linked) 11,7%-ға төмендеді. Сонымен қатар, исламдық сақтандыру сегменті 8,2%-ға өсті.
Сақтандыру компаниялары үшін жағымды жаңалық – клиенттерге төленетін жалпы өтемақылардың 4,35 млрд долларға дейін азаюы. Бұл негізінен азаматтардың келісімшарттарды мерзімінен бұрын бұзу жағдайларының азаюымен байланысты. Ал медициналық төлемдер керісінше 3,2%-ға өсіп, 5 млн адам көмек алды.
Топтық сақтандыру да белсенді дамып келеді: бұл бағыт бойынша 102 млн-нан астам адам сақтандырылған, ал жалпы сақтандыру сомасы 436 млрд долларға жетті.
Дереккөз: Insurance Asia
Фото ашық дереккөздерден алынған.
