Зерттеу барысында мамандар белгілі жүрек аурулары немесе онкологиялық аурулары жоқ 171 мың адамның қатысуымен Ұлыбритания биобанкінің сауалнама деректерін қолданды. Оларға сонымен қатар тамақтану туралы сұрақтар қойылды. Ғалымдардың міндеті қантпен, жасанды тәттілендіргішпен тәттілендірілген және тәтті емес кофені ішу мен барлық және белгілі бір себептерден қайтыс болу арасында байланысты бағалау болды, деп жазады News Medical.
Жұмыс авторлары бақылаудың жеті жылы ішінде тәтті емес кофенің кез-келген көлемін ішкен зерттеу қатысушыларында қайтыс болу ықтималдығы бұл сусынды мүлдем ішпейтіндерге қарағанда 16–21%-ға төмен болғанын анықтады. Ал күнделікті қант қосылған кофенің 1,5-3,5 шыны-аяғын ішкен қатысушыларда қайтыс болу мүмкіншілігі тиісінше кофе ішпегендерге қарағанда 29–31%-ға төмен болған.
Бұл ретте жасанды тәттілендіргіштер пайдаланғандар үшін деректер сенімсіз болып шықты. Тағы бір маңыздысы – қант көлемі. Зерттеушілер тәттілендірілген кофені ішкен ересектер бір шыны-аяққа орташа есеппен тек бір шәй қасық қант қосқанын айтты. Бұл мейрамханалар мен кафелердегі көптеген танымал кофе сусындарындағы қант құрамынан әлдеқайда аз.
Сурет ашық дереккөздерден
