bs-preloader__icon
ru kz en

Ағзада темірдің рөлі

Темір өмірлік күш-қуат деңгейіне, зейін қоюға, асқазан-ішек үдерістеріне, иммундық жүйеге және дене температурасының реттелуіне әсер ете отыра, ағзаның көптеген маңызды функцияларын қолдауға көмектеседі. Оның жеткіліксіздігі немесе шамадан тыс болуы бірден хал-жағдайға әсер етеді, деп жазады РБК.
Ағзада темірдің рөлі

Темір – қызыл қан денешіктерінен (эритроциттерден) тұратын, гемоглобиннің маңызды құрауышы. Гемоглобин ағзада темірдің шамамен үштен екі бөлігін құрайды. Ол оттекпен бірігеді, ал эритроциттер оны өкпеден бүткіл дене бойынша таратады. Бұл минерал сондай-ақ холестериндік алмасуға, калориялардың энергияға қайта шығарылуына, токсиндермен күресуге жауап беретін көптеген элементтерге кіреді. Темірдің арқасында иммундық жүйе өз функцияларын жақсырақ атқарады, ал эритроциттер оның көмегімен көмірқышқыл газын өкпеге қайта шығару үшін жібереді. Ол сондай-ақ жасушалардың, тері, шаш және тырнақтың саулығын қолдау үшін қажет.

Рационда темірдің жеткіліксіз көлемі ағзаның энергияны пайдаланатын тиімділігіне әсер етуі мүмкін. Бұлшықеттерге және миға оттегіні тасымалдаушы рөлінің арқасында, темір ақыл-ой және физикалық белсенділікте маңызды рөл атқарады. Бұл элементтің төмен деңгейі зейін қою, ашушаңдық проблемаларына және шыдамдылықтың төмендеуіне алып келуі мүмкін.

Балалар үлкендерге қарағанда темірдің үлкен көлеміне мұқтаж: ағзаның өсуі және қалыптасуы кезеңінде кез-келген пайдалы заттар едәуір тез жұмсалады. Күндізгі норма баланың жасына байланысты: 4-8 жас – 10 мг, 9-13 жас – 8 мг. Қыздарда етеккір басталатын кезде, жеткіншек жастан бастап темірдің қажеттілігі ұлғаяды.

19-50 жаста әйелдер күніге 18 мг темірді алуы тиіс, ал сол уақытта осы жастағы ер адамдарға 8 мг жеткілікті. Етеккір үзілісі басталғаннан кейін әйелдер үшін темірдің күнделікті нормасы ерлердікімен теңеседі – күніге 8 мг.

Дереккөзі: https://style.rbc.ru/health/6088e77f9a7947394cbfd3cd

Сурет ашық дереккөздерден

Бөлісу
Сондай-ақ, қараңыз

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру