Сауалнамаға қатысқандардың шамамен 30%-ының жаңа жылдық уәделері денсаулық пен спортпен байланысты болды. Сұралғандардың 16% жаңа жылда фитнес-орталыққа немесе спортзалға баруды бастайтындарын айтты. Ірі және орта қала тұрғындарының 12%-ы алдағы жылы арықтауға, диетаға отыруға немесе дұрыс тамақтануға көшуге уәде береді. Ресейліктердің шамамен осындай саны темекі шегуді тастап, ішімдік ішуді тоқтатуды немесе оларды пайдалануды минимумға дейін азайтуды көздеуде.
Сондай-ақ, ресейліктердің басты басымдылығы – отбасы мен отбасылық бақыт. Сұралғандардың шамамен 20%-ы келесі жылы отбасымен және жақындарымен көп уақыт өткізуге уәде бергенін хабарлады. 40 жасқа дейінгі әрбір оныншы отбасы 2020 жылы бала тууды жоспарлап отыр. Олардың ішінен жас отбасылардың 22%-ы тұрғын үй жағдайын жақсарту үшін ипотека алу мүмкіндігін қарастыруда. Сауалнамаға қатысушылардың 15% алдағы жылы отбасымен және достарымен көбірек саяхаттағысы келеді.
Сұралғандардың 20%-ға жуығы өз алдына жеке қаржымен байланысты мақсаттар қояды: олар ақшаны үнемдеуді бастауды, отбасылық бюджетті басқаруды үйренуді, сондай-ақ жинақ ақшаны тиімді инвестициялауды жоспарлап отыр. Мұндай мақсаттар көпшілікте үлкен шығындарды жоспарлауға байланысты туындайды, деп сауалнамаға қатысушылар түсіндірді. Респонденттердің осы тобы жоспарлап отырған болашақ ірі сатып алулар қатарында – жаңа автокөлік (28%), шетелге сапар (10%), жаңа жиһаз, ірі тұрмыстық техника (8%), жаңа үй, саяжай немесе пәтер (5%). Ресейлік отбасылардың шамамен 7%-ы ірі сатып алуларды қаржыландыру үшін несие алу мүмкіндігін қарастыруда және тағы 12%-ы келесі жылы ірі сатып алуларға ақшаны жинауда немесе жинауды жоспарлап отыр.
Респонденттердің 13% жаңа жылдық уәделері жұмыс берушіні ауыстыруымен, неғұрлым қызықты және жоғары ақы төленетін жұмыс іздеумен байланысты. Оның ішінде ресейліктер өздерінің әл-ауқаты мен жеке басының дамуын жақсарту үшін біліктілігін арттыруға немесе қосымша білім алуға ниеттеніп отыр. 3% келесі жылы өз бизнесін ашпақ, тағы 3% басқа қалаға көшуді жоспарлап отыр.
Дереккөзі: https://sberbank-insurance.ru/news/27_12_19
Фотосурет ашық дереккөздерінен алынды
