Ағымдағы жылда өмірді сақтандыру нарығында сақтандыру өнімдерін онлайнға белсенді түрде шығару, құжат айналымының кейбір бөлігін қашықтағы режимге ауыстыру, клиенттерге ұялы қосымшаларды және жеке кабинеттерді шығару, клиентке ақпаратты анағұрлым жылдам беру үшін чат-боттарды енгізу, сондай-ақ сақтандыру компанияларының әлеуметтік желілерде болуын және олардың белсенділігі есебінен сатудың онлайн-каналдары белсенділігі және клиенттермен онлайн қарым-қатынастың кеңеюі байқалуда. «Қазақстанда сақтандырудың цифрлық өзгерісі – таяу жылдары саланың негізгі қозғаушы күші болатын сөзсіз үдеріс. Сапалы цифрлық клиенттік тәжірибені ұсынушы сақтандырушылар біртіндеп бірінші таңдаудағы компаниялар болады және көшбасшылықты бекітетін болады, себебі бүгінгі күні жекелеген клиент үшін қызметті алу жылдамдығы мен ыңғайлығы бірінші кезекте маңызы бар» - делінген ҚҚҚ есебінде.
ӨСК активтерінде нарықтың 80%-ы Nomad Life, Халык-Life, FFLife және «Евразия» ӨСК – төрт ірі компанияның үлесіне келіп түседі. Бұл ретте активтердің айтарлықтай өсімі 69%-ға FFLife-та және 62%-ға «Евразия» ӨСК-де байқалады. «Өмірді сақтандыру, аннуитеттік сақтандыру және қызметкерді жазатайым оқиғалардан сақтандыру секілді ӨСК өнімдеріне жоғары сұраныс 2020 жылғы тоғыз айдағы 158,7 млрд теңгеге қарсы, 276,3 млрд теңгеге дейін 74,2%-ға сақтандыру сыйлықақыларының көлемін ұлғайтқаны», - құжатта көрсетілген. Сектордың сыйлықақылар мен төлемдерінің шамамен 80%-ы Nomad Life, Халык-Life, Standard Life, Мак және Еуропалық сақтандыру компаниясына келіп түседі.
77%-ға сақтандыру қызметінен және 12,6%-ға инвестициялық қызметтен табыстың өсуі ӨСК табыстарын 64%-ға ұлғайтты. «Алайда ӨСК шығыстарының шамамен 70%-ға ұлғаюы сектордың кірісінің мықты өсімін басты. Осының аясында саланың таза пайдасы 2020 жылғы тоғыз айда 25 млрд теңгеден 2021 жылдың осы кезеңіне 34,3 млрд теңгеге дейін 1,3 есе өсті. Шығыстар бабында сақтандыру төлемдерін жүзеге асыру бойынша резервтердің өсімі 17%-ға өскені көрсетілген, өмірді қайта сақтандыру бойынша резервтерге шығыстар 2,2 есеге, болған, бірақ айтылмаған шығындар 1,9 есеге, аннуитет шарттарының болмаған шығындары бойынша - 14%-ға ұлғайған. Бұдан бөлек, комиссиялық сыйақыны төлеуге шығындар 44,4%-ға, қайта сақтандыру бойынша – 3 есеге және әкімшілік шығыстар бойынша шығындар – 2,1 есеге өскен», - дейді ҚҚҚ сарапшылары.
Сурет ашық дереккөздерден
