bs-preloader__icon
ru kz en

S&P Freedom Life ӨСК рейтингтерін көтерді

S&P Global Ratings рейтингтік агенттігі «Freedom Financе Life» ӨСК» АҚ-ның кредиттік рейтингі мен қаржылық тұрақтылық рейтингін «В»-дан «В+»-ке, ұлттық шәкіл бойынша рейтингін «kzBBB-»-ден «kzBBB»-ке дейін жоғарылатты, тұрақты пайданың және компанияның капиталдандыруының күтілетін өсуінің арқасында - болжамы «Тұрақты», деп хабарлайды өмірді сақтандыру компаниясының баспасөз қызметі.
S&P Freedom Life ӨСК рейтингтерін көтерді

Агенттік 2022 жылдың алғашқы жеті айындағы қолайсыз макроэкономикалық жағдайға және қаржы нарығындағы жағдайларға қарамастан, «Freedom Finance Life» ӨСК» (бұдан әрі – FFL) АҚ операциялық көрсеткіштері есептілікке сәйкес орташа нарықтық деңгейден жоғары болғанын атап өтті. 2022 жылғы 1 тамыздағы қаржылық есептілікке сәйкес, FFL меншікті капиталдың кірістілігі (ROE) 47,4%, ал активтер кірістілігі (ROA) жылдық мәнде 6,3% құрады, ал сол кезеңдегі сектордың орташа көрсеткіштері шамамен тиісінше 35, 2% және 6,0%. Агенттік FFL таза кірісін орташа есеппен жылына 5-6 млрд теңге шамасында күтеді, ROE коэффициенті 32% және ROA коэффициенті 5-6%.

«Біз FFL өсу қарқыны мен табыстылығын отандық және шетелдік әріптестер үшін орташа деңгейден жоғары деңгейде сақтай отырып, Қазақстанның сақтандыру нарығындағы позициясын кеңейтуді жалғастырады деп сенеміз. Сондай-ақ, біз FFL-тің сақтандыру портфелінің құрылымын жақсарту бойынша іс-әрекеттері компанияның капиталдандыруының өсуіне әкелгенін атап өтеміз», - делінген S&P Global Ratings есебінде.

«Тұрақты» болжам FFL жеткілікті капиталдандыру көрсеткіштерін сақтай отырып, алдағы 12 ай ішінде күшті пайда алуды және нарықтағы қатысуын кеңейтуді жалғастырады деген үмітімізді көрсетеді.

Компанияның сақтандыру портфелінің құрылымын өзгерту бойынша алғашқы жеті айдағы күш-жігерінің арқасында 2022 жылғы 1 тамыздағы жағдай бойынша өмірді сақтандыру өнімдері компанияның жалпы сыйлықақысының 26%-ға дейінін құрады, 2021 жылдың соңындағы 8%-бен салыстырғанда, аннуитеттік сақтандыру 44%-ды (2021 жылдың аяғында 62%) құрады, қалған 30%-ы негізінен жұмыс берушілердің жауапкершілігін сақтандыруға қатысты. Сақтандыру тәуекелінің төменгі деңгейі келесі екі жылда FFL капиталының көрсеткіштерін жақсартуға көмектеседі деп күтілуде. Сонымен қатар, пайданы ұстап тұру компанияның капиталдандыруын одан әрі күшейте отырып, капиталдың өсуін жалғастыруы мүмкін.

«Біз Қазақстандағы реттеу режимі әлі де бас холдинг, Freedom Group-ты қолдау үшін, мысалы, дивидендтер немесе ірі инвестициялар түрінде FFL қаражатының кетуіне жол бермейді деп санаймыз. Сондықтан біз FFL жеке еншілес ұйым болып табылады және оның рейтингі бас компанияның рейтингінен екі саты жоғары болуы мүмкін деп есептейміз», - деп S&P Global Ratings-те хабарлады.

Агенттік сонымен қатар холдинг ішінде оны әртараптандыруды көздейтін топтың бизнесті дамытудың ұзақ мерзімді стратегиясын жүзеге асырудағы Freedom Life ӨСК-нің маңызды рөлін атап өтеді.

«2022 жылы біздің компания нарықтағы өзінің мықты ұстанымын нығайтуды жалғастыруда. Орташа нарықтық деңгейден асатын табыстылық көрсеткіштерінің өсуі байқалады. 4 жылда Freedom Life мамандары 25-тен астам онлайн және офлайн өмірді сақтандыру бағдарламаларын әзірледі. Қазіргі таңда компания 491 000 аса қазақстандықтарды сақтандыру қорғауымен қамтамасыз етті. Жаңа цифрлық технологиялардың арқасында біз сақтандыру сервисін жетілдіріп жатырмыз, оны ыңғайлы етіп қана қоймай, компания клиенттері үшін тиімді етіп жасаудамыз», - деді Freedom Life ӨСК-нің басқарма төрағасы Азамат Ердесов.

Сурет ашық дереккөздерден

Бөлісу
Сондай-ақ, қараңыз

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру