Өмірді және денсаулықты сақтандыру – сақтандыру тарихының ажырамас бөлігі. Дәл осындай сақтандырулар алғашқылардың бірі болып әлемдік нарықта кең таралымға ие болды. Өмірді және денсаулықты сақтандыру біздің қызметіміздің барлық өрісін қамтиды және әрқайсымыздың басымызға келуі мүмкін, әр түрлі өмірлік жағдайлар үшін қолданылуы мүмкін.
Сақтандырудың осы түрінің көп жіктемесі бар және медициналық көмекті, инвестициялық жинақтарды, жазатайым оқиғалардан немесе ауыр аурулардан сақтандыруды алу үшін қолданылады.
Бұл ретте полистің түріне байланысты сақтандыру өтемі ақшалай төлем түрінде, сондай-ақ тегін емделуді ұйымдастыру және медициналық көмек көрсету түрінде жүзеге асырылуы мүмкін.
Өмірді мерзімді сақтандыру – уақыттың белгілі бір кезеңіне қорғауды көздейді. Егер сақтандырылушы шарттың қолданылу мерзімінің аяғына дейін өмір сүрмесе, пайда алушы сақтандыру төлемін алады. Егер клиент бағдарламаның аяқталуына дейін аман-есен өмір сүрсе, сақтандыру қорғауы өз әрекетін тоқтатады, ал барлық төленген жарналар сақтандырушының иелігінде қалады.
Өмірді мерзімді сақтандырудың негізгі қолданыстағы бағдарламалары мыналардан қорғанысты қамтамасыз етеді:
жазатайым оқиғадан;
ел бойынша саяхаттаушы, шетелге шығушы азаматтарға;
кәсібі жоғары тәуекелмен байланысты адамдарға (міндетті сақтандыру).
Өмірді мерзімді сақтандыру жеке (жеке, бір немесе бірнеше – отбасы мүшелеріне), топтық (корпоративтік) болады. Қолданылу мерзімі – бір күннен бір жылға дейін.
Дереккөзі: https://www.wionews.com/business-economy/insurance-and-you-why-and-when-should-you-buy-it-477303
Сурет ашық дереккөздерден
