Өмірді сақтандыру қауіпті ауруларға немесе жазатайым оқиғаның салдарына байланысты денсаулықтың кенет нашарлауы сақтандырылушы және оның отбасы үшін қаржы күйреуіне айналмайтынына сенімді болуға мүмкіндік береді. Сақтандырушы сақтандыру шартымен айқындалған сақтандыру төлемін жедел жүргізеді. Бұл клиентке уақытылы және сапалы медициналық көмекті алуға, табыстың болмауын өтеуге және өмірдің әдеттегі деңгейін сақтауға көмектесе алады. Әйелдер ер адамдарға қарағанда еңбек өтілін жиі үзетінін айта кету керек, сол үшін сақтандыру оларға өте қажет.
Өмірді сақтандыру полисі шарттың қолданылу мерзімі аяқталған кезде кепілдік берілген төлемді, сондай-ақ компания өз қызметінің нәтижелеріне сүйене отырып есептейтін қосымша инвестициялық табысты алуға мүмкіндік береді. Зейнетақылық сақтандыру бағдарламасының көмегімен жоспарланған мерзім ішінде қосымша зейнетақы төлемдерін алу үшін капитал қалыптасады. Бұған қоса сақтандырылушы шартты жасаған сәтте-ақ өзінің болашақ зейнетақы мөлшерін өздігінен анықтайды.
Сақтандыру жарнасынан анағұрлым асатын сақтандыру төлемі денсаулықпен туындаған проблемаларды шешуге мүмкіндік береді, қалпына келуге және оңалтуға қажет ақшалай қаражатпен қамтамасыз етеді, сондай-ақ еңбекке жарамсыздық кезеңінде әдеттегі табыстан айырылудың орнын толтыруға көмектеседі.
Дереккөзі: https://www.financialexpress.com/money/why-is-investment-planning-important-for-women/2236555/
Сурет ашық дереккөздерден
