Заңнамаға сәйкес, өмірді сақтандыру компаниясынан төленетін минималды төлемақының мөлшері 2019 жылғы 1 қаңтардан бастап 36 108 теңгені құраған минималды зейнетақы мөлшерінен кем бола алмайды.
Осыған орай, зейнетақы аннуитеті бойынша жеткіліктілік сомасы мынадай болады:
- 55 жастағы ерлер үшін – 10 102 585 теңге,
- 51 жастағы әйелдер үшін – 13 833 372 теңге.
Жинақталған зейнетақы қаражатының жеткіліктілік деңгейі минималды зейнетақы сомасының өсуіне және әйелдер үшін зейнеткерлік жастың ұлғаюына байланысты артты.
Жоғары құн адамның жинақталған зейнетақы қаражатының біткеніне немесе бітпегеніне қарамастан, өмірді сақтандыру компаниясының оны өмір бойына төлемақымен қамтамасыз етуімен түсіндіріледі. Яғни, осы адам зейнетақы аннуитетін сатып ала отырып, өзін өмірлік зейнетақымен қамтамасыз етеді.
Дереккөз: http://www.gak.kz/news_gak?id=209
Фото ашық интернет көздерінен алынған.
