«Сақтандыру нарығының дамуы үшін мемлекеттік білім беру жинақтаушы жүйесі аясында өмірді жинақтаушы сақтандыруды қаражаттандыру бойынша заңнамалық шаралар пакеті қабылданатын болады. Сонымен қатар, «жалпы сақтандыру» саласының жеке операцияларын КЖТҚҚІ режимінен шығару жоспарлануда», - деді ҚР Қаржы нарығын реттеу және дамыту агенттігінің басшысы.
Банк салымдары алдында жинақтаушы сақтандыру шарттарының негізгі артықшылығы – қосымша сақтандыру қорғауының болуы.
Осы жылы мемлекет өнімге қолдау жасап үлгерді. Сонымен, салық салуға жататын жеке тұлғаның кірісінен енді жинақтаушы сақтандыру шарттары бойынша сақтандыру ұйымдары жүзеге асыратын сақтандыру төлемдері, өз пайдасына және (немесе) жақын туыстардың, жұбайының (зайыбының) пайдасына жеке тұлға төлеген және (немесе) жұмыс берушінің жұмыскердің пайдасына төлеген сақтандыру сыйлықақылары; жинақтаушы сақтандыру шарттары бойынша сақтандыру ұйымдары төлейтін сатып алу сомалары секілді кіріс түрлері алынып тасталады.
S&P Global Ratings-тің бағалауы бойынша 2020 жылы Қазақстанда өмірді сақтандыру компаниялары жақсы қаржы нәтижелерді көрсетті. Сонымен, ӨСК сақтандыру сыйлықақыларының өсімі 16%-ға жуықты құрады. Бес жылда сақтандыру төлемдері 71,8%-ға ұлғайды. Мұндай ілгерілік халықтың өмірді сақтандыруға кызығушылығының артуымен, сондай-ақ жинақтаушы сақтандыру мен зейнетақы аннуитеттері нарығының дамуымен байланысты. ӨСК төлемдері олардың сенімділігінің маңызды көрсеткіші болып табылады, себебі өмірді сақтандыру компаниялары клиенттерге білім алуға және зейнетке ақша қаражатын жинау мүмкіншілігін бере отырып, банк депозиттеріне ұқсас өнімдерді береді.
Сурет ашық дереккөздерден
