Төтенше жағдайдың енгізілуіне байланысты қаржы қадағалау сақтандыру компанияларына есептілікті міндетті мерзімнен кеш тапсыруға мүмкіндік берді. Өтімділікті сақтау және сақтандыру нарығының тұрақтылығын сақтау мақсатында АРРФР 30 наурыздан 30 қыркүйекке дейін сақтандырушылар сатып алатын бағалы қағаздарға қойылатын талаптарды өзгертті.
«1 сәуірдегі жағдай бойынша сақтандыру сыйлықақыларының көлемі өткен жылмен салыстырғанда 34,4%-ға артып, 148,1 млн теңгені құрады. Сақтандыру сыйлықақыларының негізгі үлесін ерікті мүліктік сақтандыру алады – 74,2 млн теңге», – деп қаржы қадағалаудың баспасөз-қызметінде айтып берді.
2020 жылдың басынан бері жүргізілген сақтандыру төлемдерінің (қайта сақтандыруға қабылданған шарттар бойынша жүзеге асырылған сақтандыру төлемдерін шегергенде) жалпы көлемі 66,5 млн теңгені құрады. Бұл өткен жылдың І тоқсанындағы көрсеткіштен 153,6%-ға артық.
«2020 жылдың басынан бастап жүргізілген сақтандыру төлемдерінің жалпы сомасынан ерікті мүліктік сақтандыру бойынша сақтандыру төлемдері – 69,8%-ды, ерікті жеке сақтандыру бойынша – 16,1%-ды және міндетті сақтандыру бойынша – 14,1%-ды алады», – деп нақтылады АРРФР-да.
Агенттікте сақтандырушылардың басым бөлігі пруденциалдық нормативтерді бұзбады деп хабарлады. Тек «Астық сақтандыру компаниясы» АҚ ғана ерекшелік болды, оны реттеуші ақпан айында талаптарды сақтамағаны үшін лицензияны алты айға тоқтата тұрды.
Өмірді сақтандыру компаниялары
Өмірді сақтандыру секторы сыйлық жинау бойынша өсімді көрсетті. Осылайша, жыл басынан бері өмірді сақтандыру компаниялары жинаған сақтандыру сыйлықақыларының көлемі 42,8 млн теңгені құрады, бұл өткен жылдың сәйкес кезеңіне қарағанда 45,9%-ға артық. «Бұл өсім өмірді сақтандыру сыныбы бойынша жиналған сыйақы көлемінің 2019 жылғы 1 сәуірден салыстырғанда 7,4 млн теңгеге немесе 58,1%-ға және аннуитеттік сақтандыру сыныбы бойынша 1,7 млн теңгеге немесе 20,8%-ға артуымен байланысты», – деген статистиканы АРРФР-да келтірді.
