Коронавирустың өршуі және іскерлік белсенділіктің кейіннен бұғатталуы өмірді сақтандыру компанияларына кері әсерін тигізді. «Наурыз және сәуір айларында Үндістанның ең ірі өмірді сақтандырушылары да саладағы сыйлықақылардың теріс өсімін тіркеді - минус 29%. Саланың өсуі қысқа мерзімді перспективада коронавирустың теріс салдарымен тежеледі деп ойлаймын», - деп мәлімдеді Edelweiss Tokio Life Insurance бас директоры Сумит Рай.
Халықтың COVID-19 туралы хабардар болуының артуымен өмірді сақтандыру полистеріне сұраныс өсе бастайды. Нарық қатысушылары көптеген адамдар ӨСК қызметін сатып алуға ниет білдіретінін айтады. «Мамыр айында цифрлық арналар арқылы сатылым өсті. Материалдық қиындықтарға қарамастан адамдар полистер ала бастады. Кейде бұл өте арзан өнімдер, кейде адамдар өтемі көп полистер сатып алады», - деп бөліседі компания басшысы.
Сарапшы ұзақ мерзімді перспективада сақтандыру нарығы ұлғаяды, себебі компаниялар икемді болуды үйреніп, сақтандыру өнімдерін делдалдарсыз және агенттерсіз сатуды үйренді.
«Біз әлеуметтік қашықтықтау нормаларын ұстануымыз керек және клиенттермен өзара іс-қимыл едәуір дәрежеде цифрлық формада жүргізілетін болады. Барлық сала технологиялық инновацияларға шоғырланады», - деді Рай.
Фотосурет ашық дереккөздерінен алынды
