Мемлекеттік кеңес жариялаған ресми құжатта, Қытай бүкіл ел азаматтарын қамтитын негізгі медициналық сақтандырудың әлемдегі ең ірі желісін құрды, деп жазылған. Ұзақ мерзімді реформалар нәтижесінде елде ауыр сырқаттармен ауыратын науқастарды сақтандырудың механизмі, шұғыл медициналық көмек көрсету, сондай-ақ медициналық және сауықтыру алдын алу реттелді. Сонымен бірге қалалар мен ауылдық жерлердегі тұрғындар үшін медициналық сақтандырудың жеке жүйесі бар. Алдымен тек мемлекеттік қызметкерлер мен кәсіпорындардың қызметкерлері медициналық сақтандыру қызметтерін алу керек болатын. Содан кейін, эксперимент ретінде, Аспан асты елінің кейбір қалаларында да жүйе енгізіле бастады.
Хао Яньсу, Қаржы, экономика және сақтандыру бойынша орталық университетінің сақтандыруды зерттеу орталығының директоры:
- 1998 жылы үкімет қалалық тұрғындар үшін негізгі медициналық сақтандыру қажет екендігін хабарлады. Сол жылы кейінірек жүйе бүкіл Қытай бойынша енгізілді. Осылайша, жұмыс істейтін халықтың жылдық табысының 10% -ы медициналық сақтандыруға берілді, оның ішінде 8% -ы кәсіпорындармен, ал 2% -ы халықпен төленеді. Мемлекет Медициналық сақтандыру қорын өз қаржыландыруына алды және қажет болған жағдайда, емделуге жұмсалған шығындардың 50% -ын мемлекет төлейді.
Қытайдың сақтандыру нарығын зерттеу орталығының директоры Хао Яньсудің айтуынша, міндетті медициналық сақтандыру халыққа көрсетілетін қызметтер сапасын арттырды. Ауруханалар арасындағы бәсекелестік өсіп, дәрігерлердің жауапкершілігі артты. Өз табыстарының белгілі бір пайызын үнемі сақтандыруға жіберетін азаматтар, егер қажет болса, емделу құны шамадан артық болады деп қорықпай дереу ауруханаға барады. Өйткені, медициналық сақтандырудың негізгі артықшылықтары - аурудың алдын-алу және емделушіні уақтылы емдеу.
Чжяо Юй, Бейжін қ. тұрғыны:
- Қытайда емделу арзан емес. Сондықтан медициналық сақтандыру - біздің жайлы өміріміздің кепілі. Негізгі сақтандырудан басқа жеке сақтандыруға да жүгінеміз. Отбасымның денсаулығын қамтамасыз ету үшін жыл сайын мен өзімнің табысымнан он мың юань аударамын. Денсаулықтан маңызды ештеңе жоқ.
Медициналық сақтандыру жүйесін дамыту ел экономикасына тікелей байланысты. Халықтың әл-ауқаты жақсарған сайын, негізгі медициналық сақтандырудан басқа, жеке сақтандыруға да сұраныс артты. Қытайдың ДСҰ-ға кіруінен кейін 2000-шы жылдары шетелдік инвесторлар да осы салаға қосылды. Бүгінгі таңда шетелдіктер сақтандыру компанияларының жартысын құрайды. Жалпы, сарапшылар, сақтандыру жүйесінің реформасы медицина дамуын ынталандырды, деп атап өтеді.
Хао Яньсу, Қаржы, экономика және сақтандыру бойынша орталық университетінің сақтандыруды зерттеу орталығының директоры:
- Өз клиенттерінің денсаулығына бақылау жасау - сақтандыру компанияларының өз мүдделерінде. Сондықтан да халықтың әл-ауқатын жақсартуға мемлекет қана емес, сонымен бірге компаниялардың өздері де мүдделі.
Қытайдың Еңбек кодексіне сәйкес, жұмыс беруші қызметкерге зейнетақылық және медициналық сақтандыруды ұсынуы керек. Жалпы сақтандыру үш түрге бөлінеді. Сақтандырудың бірінші түрі ауыл тұрғындарына беріледі, екіншісі - қалалар мен ірі аудандардың тұрғындарына, үшінші түр бойынша мемлекеттік қызметшілерге қызмет көрсетіледі. Әрбір топта шегерімдердің өз пайызы бар.
Бүгінгі таңда денсаулық сақтау саласындағы қытайлық тәжірибе бүкіл әлемнің назарын аударады. Шетелдік тәжірибені қабылдап, қытайлықтар оны өз еліне бейімдей алды.
Авторлар: Нурбек Бекенов, Жан Суй
Дереккөз: http://24.kz/ru/news/in-the-world/item/200583-za-35-let-v-kitae-srednyaya-prodolzhitelnost-zhizni-naseleniya-uvelichilas-s-68-let-do-76-let
Фото: http://notarysahib.com сайтынан
