«Біз барлығымыз ағзамыздағы созылмалы қабынуды азайту үшін күш салуымыз керек, - дейді дәрігер. – Қабыну қантамырларды тітіркендіреді, түйіншектердің пайда болуына ықпал етеді және ұйысқан қанның пайда болуын қоздырады. Ұйысқан қан жүрекке апаратын күретамырды бұғаттаған кезде бұлшықет оттегінің және қоректік заттардың жеткіліксіздігін сезінеді, мұның нәтижесінде жүрек ұстамасы болады».
Маман қандай тәсілдер ағзада қабынуды төмендетуге көмектесе алатынын айтып берді:
шылым шегуден бас тарту;
дұрыс салмақты ұстау;
физикалық белсенділікті көбейту;
дұрыс тамақтану.
Соңғысын айта отырып, Мичос рационға мына азық-түліктерді қосуды ұсынды:
тұтас дән;
жемістер;
көкөністер;
бұршақ тұқымдастар;
жаңғақтар;
майлы балық.
Бұл ретте Джон Хопкинс Университетінің сарапшылары ағзадағы қабыну қаупін, және тиісінше жүрек ұстамасының қаупін төмендету үшін адамға күніге 20 минут физикалық белсенділік жеткілікті дейді. Бұл жағдайда олардың сөзінше ағзаны қыздыратын кез-келген жаттығу тиімді – мысалы, тез жүру, асықпай баяу жүгіру немесе велосипед тебу.
Бұрын ғалымдар жүрек ұстамасына әкелетін бес түрлі сусынды айтқан болатын. Ауруларды бақылау және олардың алдын алу бойынша АҚШ Орталығының (CDC) деректері бойынша, 5 жүрек ұстамасынан 1-і із-түзсіз өтеді. Алайда бұл ағзаға әсерін тигізген жоқ деуге болмайды.
Сурет ашық дереккөздерден
