Егер Қазақстанда мұндай сақтандыру туралы ақпаратты жасыратын болса, Батыста бұл мақтаныш сезімін тудырады және пиардың ерекше элементі болып табылады.
Осылайша, жуырда барлық шетелдік баспасөзде атақты голливудтық актер Уилл Смиттің «тарзанкадан» секіруі Lloyd's ең ірі корпорациясында $200 млн (73 млрд теңгеге) сақтандырылғаны туралы жазылды. Трюкті тікұшаққа сым арқанмен байланған адам банджи-джампинг деп аталатын секіру аясында орындайды, және ол 120 сағ/км жылдамдықпен құлайды.
Өзінің 50-жылдығына орай актер тікұшақтан тереңдігі 2 км құрайтын Гранд-Каньон сайына тарзанкамен секіруге бел буды. Сарапшылардың пікірінше, мұндай секіру үшін сақтандырушылар $500 мың (182,7 млн теңге) мөлшерінде сақтандыру сыйлықақысын алды – егер секіру нәтижесінде голливудтық актер қаза болса, немесе жарақаттанса, бұл сомаға сақтандырушылар оның табысынан айырылуын өтеп беретін еді.
Секірудің куәгерлері жүздеген адам болды: актердің әйелі мен балалары, жолдастары, сақтандыру компаниясының қызметкерлері, БАҚ өкілдері, секірудің ұйымдастырушылары, медициналық қызметкерлер және бұл оқиғаны ұялы телефонға түсіріп тұрған қарапайым адамдар.
Lloyd's (немесе Lloyd's of London) сақтандыру корпорациясы – халықаралық іскери беделге және терең тарихи дәстүрлерге ие Ұлыбританиядағы сақтандыру бизнесінің ең ірі ұйымдастырушылық құрылымы.
Фотосурет: uk.blastingnews.com, super.ru сайттарынан алынды.
