bs-preloader__icon
ru kz en

Инсульт қаупін шамамен жартылай төмендететін қарапайым жеті әдет

Хьюстондағы (АҚШ) Техас университетінің ғалымдары инсульттен құтылуға көмектесетін жеті дұрыс әдеттерді атады, деп хабарлайды РИА Новости.
Инсульт қаупін шамамен жартылай төмендететін қарапайым жеті әдет

Нәтижелері Америкалық кардиология қауымдастығы журналында жарияланған, зерттеу аясында ғалымдар 45 пен 64 жас аралығында 11,5 мың адамдарды бақылады. Талдау көрсеткендей, осы әдеттерді ұстанған адамдар инсульттің даму қаупін 30-43%-ға төмендеткен.

Ғалымдар дұрыс тамақтану, спортпен тұрақты айналысу, шылым шегуден бас тарту және салмақты азайту генетикалық тәуекелдерді минимумға жеткізуге қабілетті екенін айтады. Сонымен қатар, инсульт қаупіне әсер ететін факторлар қалыпты қан қысымын сақтау, холестерін деңгейін бақылау және қандағы қант деңгейін төмендету болып табылады. Зерттеу деректері бойынша, осы ережелерді орындау инсультсіз өмірдің орташа ұзақтығын шамамен алты жылға ұлғайтуға көмектесті.

Жеті әдет болғанымен, олардың төртеуі ғана өзгертуге болатын факторларды білдіреді. Қалыпты қан қысымын сақтау, холестерин деңгейін бақылау және қандағы қант деңгейін төмендету секілді қалған үш фактор – салауатты өмір салтының нәтижесін білдіреді. Инсульттің даму қаупінің ықтималдығын жоғарылататын факторлар жас, жоғары қан қысымы, шылым шегу, семіру, жүріс-тұрысы аз өмір салты және диабет болып табылады. Тағы бір қауіп факторы отбасы мүшелері арасында инсульт жағдайларының болуы болып табылады.

Дереккөзі: https://rsport.ria.ru/20220802/insult-1806597901.html

Сурет ашық дереккөздерден

Бөлісу
Сондай-ақ, қараңыз

Ең қызықты материалдар сіздің электронды поштаңызда. Біздің жаңалықтарға жазылыңыз.

Сарапшыға сұрақ қойыңыз
Сарапшыға сұрақ қойыңыз
Өтініш қалдыру