Осы түспеген салық түсімдері 2020 жылдың тоғыз айында барлық кірістердің 40%-ын қамтамасыз еткен Ұлттық қор қаражаты есебінен қалпына келтірілген. Мемлекеттік бюджеттің шығынды бөлігі қаңтар-қыркүйек айларында жылдан жылға 23%-ға артқан. «Бұл ретте, мемлекеттік бюджеттің кірістерінен бүкіл шығындардың жартысы ғана қаржыландырылған, қалған бөлігі Ұлттық қордың және мемлекеттік заемдардың трансферттерімен қамтамасыз етілген. Өскен теңгерімсіздік нәтижесінде, 2020 жылдың үшінші тоқсанының аяғындағы жағдай бойынша мемлекеттік бюджеттің тапшылығы жылдық көріністе 1.9 трлн теңгеге үш есе артқаны», - Halyk Finance-тың есебінде айтылады.
COVID-19-дың таралу жағдайы әлі де шешімнен алыс, ал мұнайға баға былтырғы жылға қарағанда 30%-ға төмен болып отыр, бұл ретте мемлекеттік бюджеттің тапшылығы жылдам өсуде және жылдың қорытындысы бойынша ЖІӨ-нен 3.5%-ды құрайды. «Тиісінше, дағдарыстың әсері экономиканы фискалдық ынталандыру қажеттілігімен бірге мемлекеттік бюджетке қысым түсіруді жалғастырады, бұл мемлекеттік қарыздың ұлғаюын және Ұлттық қор жинақтарының қысқаруын туындатады», - деп қорытындалады Halyk Finance.
Дереккөзі: https://halykfinance.kz/research/gosudarstvennyy-byudzhet-v-3-kvartale-2020-goda.html?lang=ru
Сурет ашық дереккөздерден
