Кеңеске ақша төлеуге дайын еместік
Зерттеудің бір түйінді қорытындысы – клиенттердің қаржы кеңестеріне ақша төлеуге ниетсіздігі. Респонденттердің жартысынан көбінен (56%) өмірді сақтандыру бойынша кеңес үшін ештеңе төлеуге дайын емес. Онлайн ақпарат пен түрлі калькуляторлардың қолжетімділігінің артуы тұтынушыларды өз шешімін қабылдауға сенімді етті.
«Технологиялар адамдардың қаржы қызметтеріне деген көзқарасын өзгертуде, сақтандыру да ерекшелік емес. Интернеттегі ақпаратқа қолжетімділік клиенттерге өнімдерді өздері түсінуге және шешім қабылдауға мүмкіндік береді», – деп атап көрсетілген компания есебінде.
Австралия тұрғындарының басым көпшілігі өмірді сақтандыру туралы ақпаратты интернеттен іздесе де, желі арқылы тікелей сатып алуды әзірге аз ғана адамдар жүзеге асырады. Қазіргі уақытта тек 6,5% респондент онлайн өмірді сақтандыру полисін сатып алған.
Дегенмен, болашақта жағдай түбегейлі өзгеруі мүмкін. Сауалнамаға қатысқандардың 39%-ы интернет немесе мобильді қосымша арқылы полис рәсімдеуге дайын екендігін айтты. Сонымен қатар, 72% респондент қажетті онлайн ресурстарға қолжетімді болса, кеңесшінің көмесі жоқ сақтандыруды сатып ала алатынына сенімді.
Зерттеу 2017 жылдың желтоқсанында 30–60 жас аралығындағы 1000-нан астам австралиялық арасында цифрлық технологиялардың қаржы қызметтері тұтынушыларының мінез-құлқына әсерін бағалау мақсатында жүргізілген.
Дереккөзі: International Adviser
Фото ашық дереккөздерден алынған
