Нобель сыйлығының лауреаты, экономист Уильям Шарп мансабының көп бөлігін қаржы тәуекелдерін зерттей отырып өткізді. Стэнфорд университетінің Жоғары мектебінде ғалым зейнетақы табысының 100 мың сценарийін қамтитын компьютерлік бағдарлама жасады. Ол өмір сүру ұзақтығының, инфляция мен инвестициялық табыстың түрлі комбинацияларына негізделген.
Шарптың сөзінше, қаржы саласындағы ең күрделі мәселе болып клиенттің қажеттіліктерін қанағаттандыру үшін жеткілікті кіріс және тәуекел арасындағы теңгерімді сақтау табылады. «Мен орта дәрежедегі адамдарға көмектескім келеді. Егер сіз аннуитеттен басқа кез келген нәрсеге ақша инвестицияласаңыз, Сіз инвестиция белгісіздігі және ұзақ өмір сүру белгісіздігі екі белгісіздік түріне ұшырайтын боласыз», – дейді Уильям Шарп.
Нобель сыйлығының лауреаты қаржылық белгісіздікті инфляция бойынша индексацияланатын зейнетақы аннуитеттері көмегімен азайтуға болатынына сенімді. «Аннуитет – бұл ұзақ өмір сүру тәуекелін өтеудің жолы, себебі олар, әдетте, 100 жылға есептеледі. Ол қанша өмір сүретінін ешкім білмейді. Сақтандыру және инвестициялық салалар біріге бастайды және ұзақ өмір сүру қаупін ескеретін өнімдерді ұсынады, сондықтан оларды пайдалану керек», – деп ғалым атап өтті.
Дереккөзі: https://www.barrons.com/articles/william-sharpe-how-to-secure-lasting-retirement-income-51573837934
