5 орын – диабет
Әрбір жылы бүткіл әлем бойынша 1,5 млн-нан астам адам диабеттің құрбандары болады. Барлығы әлемде 400 млн-ға жуық диабетке шалдыққан адам бар, Қазақстанда – 380 мың.
4 орын – жүрек-қан тамырлары аурулары
Қазақстанда жүрек-қан тамырлары ауруларымен ауыратын 2 млн-нан астам адам тіркелген. Жыл сайын 40 мың қазақстандықта инсульт болады. Олардың ішінен 5 мыңы инсульттен кейін 10 күннің ішінде қайтыс болады.
3 орын – тыныс алу мүшелерінің аурулары
2020 жылы пандемиядан жоғары тыныс алу жолдарының жіті жұқпасымен ауырғандардың саны 13,2%-ға ұлғайды. Барлығы өткен жылы тұмаудан, тыныс алу органдарының асқынған аурулары және өкпе қабынуынан 6,7 мыңнан астам қазақстандық қайтыс болған. Барлығы Қазақстанда тыныс алу органдарының асқынған ауруларынан 69% өлім жағдайлары, өкпе қабынуынан - 23%, тыныс демікпесінен -2% тіркелген.
2 орын – COVID-19
ҚР Денсаулық сақтау министрлігінің деректері бойынша Қазақстанда пандемияның басталуынан бастап 442 мың ауырғандар тіркелген, олардың ішінен 6 575 қайтыс болған. Шектеу шараларына және аурудың алдын алу санитарлық шараларына, сондай-ақ жаппай вакциналауға қарамастан ауырғандардың және зардап шегушілердің саны өсуді жалғастыруда.
1 орын – онкологиялық аурулар
Қазақстанда жыл сайын қатерлі ісіктің 36 мыңға жуық жаңа жағдайлары тіркелуде. Есепте шамамен 190 мың қазақстандық тұр. Әр жылы онкологиялық аурудан шамамен 14 мың адам қайтыс болады.
Қауіпті аурулардан сақтандыру туралы
ҚР Ұлттық статистика бюросының деректері бойынша, 2020 жылы халықтың жалпы өлім-жітімі 2019 жылмен салыстырғанда 21,8%-ға ұлғайған және 162,6 мыңнан астам жағдайды құрады. Пандемиямен бірге ҚР-да ең қауіпті аурулар бұл кезеңде қанайналым жүйелерінің, тыныс алу мүшелерінің, жүйке жүйесінің аурулары, онкология, инфекциялық және паразиттік аурулар болды.
Қазақстанда сонымен қатар өмірге қауіпті аурулардан сақтандыруды рәсімдеуге болады. Мысалы, коронавирустен сақтандыруды сатып алуға болады. 2020 жылы оны 5 мыңнан астам адам рәсімдеді. Таңдалған пакетке байланысты полистің құны 4,9 – 24,5 мың теңге аралығында өзгереді, ал төлемдер 100 мыңнан 5 млн теңгеге дейін.
Сонымен қатар, ҚР-да қатерлі ісіктен және жүрек-қан тамырлары ауруларынан ерікті сақтандыру бағдарламалары бар. Шарттары бойынша, егер сақтандырылған адамға диагноз қойса, онда сақтандыру компаниясы шетелдік лайықты клиникада емделуді төлейді.
Сурет ашық дереккөздерден
