Life CCC тексеру барысында алты сақтандыру компаниясының кірісті жоғалтуға қарсы сақтандыру (Income Protection – IP) және толық еңбекке жарамсыздық сақтандыруы (Total Permanent Disability – TPD) бойынша 48 андеррайтинг ережесін зерттеді. Дәл осы өнімдер бойынша психикалық ауруларға байланысты төлемнен бас тарту жиі кездеседі.
Австралияның Денсаулық сақтау және әл-ауқат институтының деректері бойынша, соңғы 12 ай ішінде 16–85 жас аралығындағы австралиялықтардың шамамен бестен бірі психикалық ауруға тап болған. 17%-ы мазасыздық (тревожность) бұзылыстарынан зардап шеккен – сақтандырушылар көбіне дәл осы диагноздарды, тіпті 5 жыл бұрын жеңіл формада қойылған болса да, сақтандырудан шығарып тастайды.
Реттеудегі өзгерістер
Life CCC сақтандыру компанияларына келісімшарт талаптарын қайта қарап, психикалық ауруларға қатысты толық алып тастаулардан бас тартуды ұсынады. Мұндай алып тастаулар тек нақты, дәлелді жағдайларда ғана қолданылуы тиіс.
«Сақтандырушылар әр клиенттің жағдайын жеке қарастыруы қажет», – дейді Life CCC төрайымы Джан Маклелланд.
Құқығыңызды қалай қорғауға болады
-
Келісімшарт талаптарын мұқият оқыңыз – психикалық ауруларға қатысты бөлімдерге назар аударыңыз
-
Түсініксіз тұстарды нақтылауды сұраңыз – қажет болса жазбаша түсіндірме талап етіңіз
-
Ұсыныстарды салыстырыңыз – кейбір сақтандырушылар жеңілдетілген шарттар ұсынады
-
Маманнан кеңес алыңыз – заңгерлер мен қаржы кеңесшілері ең тиімді нұсқаны таңдауға көмектеседі
Жағдай біртіндеп өзгеріп келеді: сақтандыру компаниялары психикалық аурулардың кең таралғанын және қазіргі медициналық деректерді ескере отырып, андеррайтинг талаптарын қайта қарауда. Дегенмен, келісімшарт жасамас бұрын сақтандыру шарттарын мұқият зерттеу әлі де маңызды.
Дереккөз: https://www.finder.com.au/news/life-insurance-mental-health-denials
Фото ашық дереккөздерден алынған
