АҚШ-та зейнетақылық сақтандыру – бұл әлеуметтік сақтандыру жүйесінің бір бөлігі. Жарна мөлшерлемесі 7,65%-да белгіленген, бұл соманы жұмыскер, сондай-ақ жұмыс беруші де төлеуге міндетті: осылайша: жарнаның жалпы сомасы 15% деңгейінде. Бұл ретте пайыздық үлестің бір бөлігі қартаю бойынша одан әрі медициналық қамтамасыз етуге, бірақ негізгі бөлігі – тек қана зейнетақыны құруға кетеді. Бұл ретте сіз жеке кәсіпкер ретінде еңбек етсеңіз, онда сіз өзіңізге екі есе мөлшерде төлейсіз, яғни, жұмыскер және жалдаушы ретінде.
Қартаю бойынша мемлекеттік сақтандыру зейнетақысы – зейнетақының негізгі түрі, оны америкалықтардың көпшілігі алады. Ары қарай дәл осы туралы жас, алу шарттары, мөлшерінің мәнмәтінінде айтамыз. Қазір қысқаша басқа түрлерін сипаттаймыз.
Жинақтау бөлігі
Зейнетақы қорына төленетін пайыздық үлестен бір бөлігін сіз зейнетақының жинақтаушы бөлігін құру үшін жинақтаушы қорға жібере аласыз. Мұндай қорлар мемлекеттік және жеке болады. Бұл тәсілдің пайдасы - қорларға аударылатын қаражат пайыздап өседі (әдетте жылына 9%) және зейнетақы жасына жеткен кезде сіз негізгі мемлекеттік сақтандыру зейнетақысына жақсы үстеме ала аласыз.
Мемлекеттік емес қамтамасыз ету
Бұдан бөлек, америкалық азаматтар келешекте «жеке меншік» зейнетақыны төлеуге қатысты мемлекеттік емес ұйымдармен шарттарды өздігінен жасауға құқылы. Мұндай жағдайларда болашақ зейнеткердің атына individual retirement account (IRA) деп аталатын шот ашылады, азамат оған ақша сомасын салуға құқылы. Бұл ретте егер 2000 доллардан кем салынса, операцияға салық салынбайды.
Адам 60 жасқа толған кезде, ол бұл шоттағы ақшаға қолжетімділік алады, бірақ қаржылық сарапшылар бұл қаражатты жұмсамауға, ал кейінге қалдырылған аннуитетті сатып алуға кеңес береді. Егер адам ақшаны алуға кіріссе, онда салық төлеуге тура келеді, бірақ бұған дейін шоттағы ақшаға ешбір фискалдық жиындар салынбайды. Зейнетке шығудың ең жақсы уақыты – 72 жас. Бұл уақытта сіз меншікті жинақтарыңызды, 401 (K) немесе IRA қаражатын біріктіре аласыз және QLAC сатып алуға болады.
Ұзақ өмір сүру аннуитетінің білікті шарты (QLAC) – бұл білікті зейнетақы жоспары немесе IRA-дан инвестициялар есебінен қаржыландырылатын кейінге қалдырылған аннуитет. Аннуитетік шарт қайтыс болғанға дейін ай сайынғы төлемдердің кепілі болып табылады. Ол қор нарығының құлауынан қорғалған. Аннуитет IRS талаптарына сәйкес келгенге дейін, ол минималды үлестіру (RMD) қағидаларынан босатылады.
Дереккөзі: https://www.medicaleconomics.com/view/how-to-turn-retirement-savings-into-retirement-income
Сурет ашық дереккөздерден
