Қазіргі гаджеттер адам денсаулығының жағдайын, физикалық жүктемелердің көлемін оңай бақылай алады. «Бұл технология сақтандырушыларға клиент туралы ақпаратты ұқыпты жинауға, оған сәйкес өнімдерді, сол зейнетақы аннуитетінің мөлшерін әзірлеуге мүмкіндік береді», – делінген мақалада. Осы себепті сақтандыру компаниялары клиенттерді дене белсенділігі туралы деректермен алмасуға ынталандырады.
Robo кеңесшілері – өмірді сақтандыру секторын өзгертетін тағы бір технологиялық инновация. Цифрлық кеңесшілер клиенттерге компанияның сайтын, полистердің ерекшеліктерін түсініп алуға көмектеседі. Мұндай сайттың пайдаланушылары өздерінің сұрақтарына жауапты 24/7 режимінде ала алады. Бұл бот компания сайты пайдаланушыларының алдын ала дайындалған сұрақтарына жауап береді. Клиенттердің жинақталған деректерімен барлық өтінімдер диалогтан кейін бірден менеджерлерге электрондық поштаға жіберіледі.
Блокчейн-технологиялары мәліметтердің қауіпсіздігін қамтамасыз етеді. «Бұл ақпаратты сақтаудың, наразылықтарды өңдеудің мөлдір және сенімді тәсілі, сайып келгенде клиенттерге қызмет көрсету сапасын жақсартады», – деп хабарлайды Finextra.
Агрегатор-сайттар адамдарға уақытты үнемдеуге және қолайлы бағамен қажетті сақтандыру өнімдерін табуға мүмкіндік береді. Ең танымал мысалдардың бірі – сақтандыру қызметтерінің 4 мыңнан астам дистрибьютерін біріктіретін Insurance Hero.
Дереккөзі https://www.finextra.com/blogposting/18015/important-technology-trends-in-the-life-insurance-sector
Фотосурет ашық дереккөздерінен алынды.
